الخوف عند الاطفال . 2024.

مرحبا خواتي انشاءالله بخير
غالياتي انا عندي مشكله مسوتلي قلق
عيالي وايد يخافون …………..بتقولون كيف
فديتكن انا عندي ولد عمره 10 سنين وهو الحمدلله طبيعي وماشالله عليه شيطان في النهار بس من ايي فليل يخاف يرقد روحه ويخاف حتى يروح الحمام اذا اليت مبند يخاف ينزل تحت اذا يبى شي من المطبخ لازم حد معاه ماعرف ليش
وعندي اخته نفس الشي عمرها 7 سنين نفس الحاله ماعرف ليش وهذي احس مخيلتها وايد واسعه فديتها يعني اذا شافت اي شي في اليوم مثل قطوه او حتى اي حشرة صغيرة تعال يالاحلام تفز من رقادها خايفه
وعلى فكرة اختهم الي اصغر عنهم عادي فديتها عمرها 6 سنين احسبها ماتخاف وايد
خواتي في حد عياله مثل عيالي طمنوني
ماخليت قران ماقريته عليهم وماشاءالله عليهم تشوفينهم طول اليوم شطانه بس من اييهم الليل يخافون بس اذا كان فيهم رقاد ولا عبروني رقدوا لا روع ولا يحزنون
يعني هذا طبيعي عند العيال؟؟؟؟؟

ول من البارحه حاطه الموضوع ولا رد معقوووووووووووووووله!!!!

………………………………….

والله ما اعرف اختي
انا ولدي عمره 10 سنين يخاف بعد
بس مب لدرجة انه يخاف انه يسير الحمام
بسالج هالشي من زمان
والا الحين؟
انتي حاولي تيلسين وياه وتسئلينه عن اللي يخوفه بالضبط وخاصة فليل
من شو يخاف
يمكن هو بروحه يخاف من الظلام وهالشي عادي اشوفه وخاصة لليهال