الجزء السادس :
بس عرفتيني انا منو؟؟ … رفعت مهاري راسها حطت عينها في عينه دققت فيه .. كانت عيونه اتقول كلام .. دخلت مهاري في دوامات من التفكير .. والتردد .. اتقول في بالها منو بيكون يعني ؟؟..
ميره وهي ترمس قطعت تفكير مهاري …وفجأه .. ميره تمسك ايد مهاري اتقولها امشي .. ومهاري حاطه عينها في عين الريال .. اتقول في خاطرها جني اعرفه من مليون سنه … مهاري وهي ترمس بعد فتره من التفكير..
مهاري وهي اترمس ميره.. ممكن تصبرين … لا تمطيني جيه مره ثانيه .. صبري يمكن الريال يبغي شي ..
مهاري: لا ما عرفتك .. واسمحلي ..
.. عطت مهره ظهرها حق الريال .. ومشت كمن خطوه .. لحقها .. ومسك ايدها .. حست بحساس غريب يوم مسك ايدها اول مره في حياتها ريال يحبها وبعد يمسك ايدها.. طالعته بنظرت خوف و عصبيه ..
مهاري : كيف تتجرا تمسك ايدي ؟؟ انته منو !!
…….: انا اناااااااااااااااااااااااااا .. واتقاطعهم ميروه ….
ميره : اسمعني بلا مشاكل خلاص خلنا في حالنا بليز !!
……..: مهره … حياتي … انا انا .. (( من نظرات عيونه وحركات ايده حست مهره انه هو عنده شي يبا يقوله ))
مهره: يله ميره خله يولي ..
………..: مهره … (( وهو يشل ))
معجب انا فيك معجب .. مغرم وحبك ذابحني .. انته الغلا يا سيد الاحباب.. غالي وحبك ماخذني .. الشوق فيني ذوب وذاب .. ما تشوف حبك ما خذني ..
مهره.. انا ولد الشواهين ..
(( انصدمت مهره .. تمت اطلعه فاااجه عيونها .. وهي منصدمه … ولد الشواهين !! انته .. درات ابها الدنيا يعني انته الي كنت يالس في الكوفي عدالي… ووانته عطيتني الجواز والحينه دعمتك بالغلط .. ياربي شو هاي الصدفه!!
كملت مهاري وميروه المشي وراحن يتسوقن.. طبعا ميره ما كان يهما شي .. وكل الي صار عندها عادي… بس مهاري تمت ساكته طول الوقت اتفكر في ولد الشواهين .. واتقول في خاطرها معقوله الصدف جيه تلعب ولا هو بالعماله …. كانت اتحاول انها اتشله من بالها لو دقيقه وحده … كانت اتحس انه هو وياها .. ويطالعها من بعيد .. تتلفت يمين يسار ادوره ما تلقاه … كان شكلها نفس الحرامي الي شارد من الشرطه .. وخايف يزخونه … قبل لا يسكر السوق بنص ساعه .. سارن البنات المطعم … طبعا ميروه كانت يوعانه فا طلبت الخضر واليابس ومهاري … حليلها مختبصه .. ما تعرف شو تطلب … اخر شي طلبتلها شوربه …
تمن البنات يسولفن عن المشاري وعن ردت البلاد.. وعن ولد الشواهين واايد اشياء ثانيه.. طبعا وصل الاكل والبنات ما قصرن ظربن بالعشر .. في هذا الوقت رن بلوتوث مهاري … ويقول البلوتوث (( توصي شي انا بكره مسافر ))
كح .. كح .. كح .. ميروه : بلاج بسم الله ..
مهاري : اقولج كح كح.. عطيــ نننننن ماي .. بسسرررررعه !!
ميره: بلاج!!
مهاري : اقوولج ولد الشواهين باجر مسافر ؟؟
ميره :: هاااااااا باجر … لا يكون بعد في طيراتنا لا باللله اكتملت الصدف .. وليكون عدال سيتج بعد؟؟
مهاري : صبري بشوف ..
ودرت مهاري الشوربه وبسرعه تكتب (( متى طيارتكم باجر نحنا مسافرين )) أقوولج ميروه.. انا احس انه لوتي اكيد مرتب من قبل حق الرده ويانا .. وبعدين احس انه هو يعرفني لانه كل العرب نعرفهم في المانيا … ويوصل بلوتوث حق مهاري (( باجر في نفس طيارتكم ))
مهاري: ايواه اكتملت …
ميروه تعفد فوق مهاري تسحب التيلفون.. وتقرا : نعم نعم .. والله وابتدى الحب ..والغرام.. شو اتحسين صوبه ؟؟
مهاري: ههه شو بعد اقولج ما اعرفه عدل اذا حبيته بجاوبج !! سؤال غريب !!
ميره: يعني الحينه ما تميلين صوبه
مهاري : مادري بس اذا وصل بلوتوث قلبي يتم يدق بسرعه ويوم قبض ايدي حسيت بالموت الحمر … وانه حد يضربني بسجين في صدري … وبعدين كنت ارتجف واايد .. مادري مب من الزيااغ بس طحت في موقف عوذ بالله منه .. أول مره اطيح في موقف جيه …
يا اللليل والبنات في السوق ردن البيت بعد ما سكر السوق بساعه .. راحن البنات قبل بيت قوم ميروه.. طبعا اول ما دشن شمن هذيج الريحه الخنينه .. الي يشتيهيها العليل الي على ينبه … ميروه … شو طابخين الله يغربل بليسج اكلكم يفر الراس .. طبعا في برد المانيا منو يستحمل ما ياكل .. شي يدفي بطنه . وعقب ما كلن البنات .. راحت ميروه وبمساعدت مهاري .. عدلن شنطتهها ورتبن اغراض ميروه وعلى الساعه 9 ونص .. راحت ميروه بيت قوم مهاري وشلت اكشارها عشان اتبات عندها …. الفليل الساعه وحده والبنات سهرانات … يرتبن الاغراض … ويحطن الثياب في الشنط.. ومهاري .. اتقول في خاطرها شو البس باجر … ولد الشواهين بيكون موجود؟؟؟ظ
مهاري: ميروه شو البس؟؟؟
ميره: شو دراني اي شي وعباه مسكره … ولا نااويه تكشخين !! علشااااااااااااااااااان…. ولد ال………
ودح مهاري ميروه قو على ظهرها..
مهاري: الله يغربلج الدرايش مفتوحه وقوم امي كل الرمسه توصل عندهم .. بعد علي صووتج.. هيه بكشخ عشانه.. عيل عشان منو كومار الي بيستقبلنا في المطار ..
ميره : مادري البسي اي شي يضعفج !!
مهاري : عيل بلبس عباه مسكره لانها اضعفني وايد..
طبعا مهاري كل شوي تلبس شي وتعق .. موب مقتنعه في لبسه وحده.. وميره يالسه اترتب الاغراض .. اخر شي قررت انها تلبس عباه مسكره وتكشخ بشيله والشنطه … طبعا عقب ما رتبوا الاغراض .. رقدن البنات .. قصدي ميروه روحها .. ومهاري تمت تجلب موب ياينها رقاد.. اتقول في خاطرها بيقتنع بشكلي … هو مب واايد حلو ولا خسف .. يعنني في نفس مستوي جمالي … اووف على قولت الناس انتي حلوه بس متينه .. ياربي لو حتى ضعفت بعد فيه كرشه هاذا الي قاصر اجابله بكرشه …
طبعا طيراه كانت الساعه 1 والظهر وابو مهاري يمشي على نظام الانجليز يروح المطار قبل بربع ساعات… نشن البنات الساعه 8 الصبح .. وطلعن يتريقن في كوفي (( لوندش ميونخ )) وطبعا المصطلح الامارتي أسمه كوفي العيايز … راحت مهاري ويا امها وميروه .. وصلن الكوفي والعزيمه على مهاري … وطلبوا كروسونت وعصير .. وام مهاري : مهره لا تنسين الجوازات حطيهن في الشنطه؟؟
مهره: ان شالله امي .. بس انا بخليهن عند اخت ميروه ….
مهاري: اقولج اتصلي حق اختج شوفيها خلصت؟؟؟ لان تعرفين ابويه الساعه9 بنتحرك صوب المطار..
ام مهاري : يا بنات اتحملن على عماركن… مهره اللسان الطويل قصيه ! واول ما تصولين البيت.. شغلي المكيفات فوق في حجرنا..
وتتصل ميروه حق اختها علشان تزهب اغراضها لان .. وهمه رادينمن الكوفي بيمرون عليها.. وطبعا اهل ميره ومهاري ما بيردون لان لازم بيسكرون بيبان المانيا ويردون اخر الناس… الي بيرد البلاد ميروه واختها العوده ومهاري والبشكارات.. علشان الكليه وعشان ايرتبون بعض الامور في البلاد…
الساعه 10 في المطار .. وتوهم وااصليين … ومهاري مع ابوها راحت ادخل الشنط واتسوي الجوازات… وميره سارت هيه واختها يسون التاكس فري .. وطبعا مهاري نست سالفه ولد الشواهين تمت اتسوي الاغراض هيه وابوها .. دخلوا الشنط وخلصوا وطبعا سوت ميروه حقها التاكس فري … وحصلت بيزات .. المهم ودعت مهاري ابوها وامها .. باستهم ووصوها الوصاايه العشر
.. واول وصيه .. تقصير الالسان .. تمت ان مهره اتصيح ان اول مره مهاري اترد روحها في طياره بدون امها ولا ابووها .. دشن البنات مع الخدامات قاعه الانتظار وطبعا.. مهاري مستويه البوس في المقدمه .. وكلهن وراها .. وصلوا قاعه الانتظار .. والبشكارات اول ما وصلن .. اتسدحن على الكراسي ..وتشتغل مهاري في الهزاب ..
مهره: عنبوه اربع وعشرين ساعه منبطحات .. يله قومن .. ارقدن داخل طياه ..
ميره: بلاج خليهن ..
مهره: فضحنا .. طالعي العرب كيف يطاالللعوونهم جنهن رااقدات على جدر الهر يس البراحه..
اخت ميره العوده وهي اتزاعج من بعيد .. وتاشر ..
ميره: تعالي انسير اكيه اختي تباني ..
مهاري : اكيد خذتلها شي .. لازم تعطينهم التذكره ..
ميره : اكيد ….. التذااكر كلها عندج ….
مهاري وهي سايره صوب اخت ميروه .. يوصلها بوتوث (( شوي شوي على الخدامات خليهن راقدات ))… يوم قرت البلوتوث وترد في خاطرها .. جب جب هذا الي ناقص انته بعد اتي اتقول شو اسوي .. دخلت ميروه ومهاري محل العطور والجمعيه واتسوقن وخذلهن جوكليت شبس .. حق الطياره ..
في الطياره …
بعد 3 ساعات .. راحت مهاري عند المضيفات… وتمت هناكي يالسه عندهم اتسولف وتشرب قهوه .. جنها يالسه في ميلس حريم .. وعقب ما شبعت من السوالف وفججت اريولها وهي راده .. التقت عينها في عين .. ولد الشواهين .. وكانت نظره بالغلط .. ابتسم وهي نزلت راسها . وكملت المشي.. صوب كراسيهم .. واول ما وصلت كانت تبا تخبر ميروه … بس ميروه كانت راقده ..وهي يالسه على الكرسي متحرقصه ..وقفت مهاري .. اونها بطلع شنطه من سده الي فوق .. وهي اصلن تبا اتشوفه شو يسوي .. المهم عقب ما شلت قصتها من الشنطه .. وردت الشنطه فوق .. يلست على الكرسي تبا تقرا القصه بس مارامت.. وعقب نص ساعه .. من اليسله والتحرقيص طلبت من المضيفه اتيبلها ماي … عقب 5 دقايق .. قالت مهاري في بالها ان المضيفه اتاخرت ونشت اونها بتنفع عمرها .. وراحت اتيبلها ماي وفي الطريج شافت ولد الشواهين ولحقها … عند المضيفات..
مهاري: لو سمحتي اريد ماي ؟؟
المضيفه : بتكرمي ..
ولد الشواهين فج الستاره .. وو حط عينه في عين مهاري … بس مهاري بسرعه شلت عينها .. وسيده طالعت الصوب الثاني .. وعطت ولد الشواهين ظهرها …
ولد الشواهين: وهو يشل ..
وينك حبيبي ما وحشناك..طولت ما شافتك عيني .. طولت يل الغالي بفرقاك.. واتعبتني وانته ضنيني.. مادام قلبي حيل غلاك.. لا تستمع للبغضيني .. والله احبك موت وافداك.. ولا تقول قلبك ما يبيني .. تحلالي الدنيا بلقياك.. لي صار كفك في يديني.. لان ياحبك حيل واهواك.. يا فرحه ايامي وسنيني..
واتلف مهاري ظهرها .. وتحط الكوب على الطاوله .. قبل لا ترجع مكانها ..
ولد الشواهين : موب عيب عليج انا واقف وانتي معطتني ظهرج وفوق هذا اشللج.. وما رفعتي عينج اتقوليلي مشكور.. ولا شي في خاطرك..
مهاري وهي محمره …. و مستحيه .. وفي نفس الوقت تبا اترويه انها قويه ولسانها طويل وتلف ويها … اونها اطالع يمين ويسار..
مهاري: اترمسني انا ؟؟
ولد الشواهين : منو غيرج !!
مهاري: اسمحلي اخويه… بس شي بغيت ..
ولد الشواهين : هيه انا كاتبلج شي …
مهري: كتبت شوه؟؟
ويدخل ايديه في جيبه ويظهر ظرف ازرق … وانا اقوول في خاطريه فديت ها الصووت يذبح عذاب .. ااااه ليتني احبه صدق بخليه طول الوقت يغني ..
ولد الشواهين: مهره.. ما اريدج اتفجين هذا الظرف .. لين ما توصلين البلاد.. وانتي داخله غرفج … وبترقدين .. اقري الي مكتوب فيها عدل.. كلمه كلمه.. وخذي وقتج لين ما تردين عليه .. وعرفي اني انا اترياااج…..
خذت مهاري الظرف بسرعه وردت بسرعه تيلس مكانها حطت الظرف في الشنطه وكل شوي اتوايج في خاطرها تعرف الي مكتوب .. ميروه ميروه نشي علج رقاد السهر ..
ميره: شو شو؟؟ خليني ارقد ..
مهاري: ميروه شليلي … صووته يجنن واالللله واللله غاااوي واااااايد
ميره: رمستيه…. وهي فااجه عيونها ..
مهاري: عطاني ظرف مادري شو مكتوب فيه…
ميره: فجيه بسرعه..
مهاري : لا لا ما اروم لين ما اوصل البلاد…
ميره:زين زين .. مستوين قيس وليلي …. وردت ميروه اتكمل ارقادها..
أول ما وصلن البنات مطار دبي استقبلهن دريول قوم مهاري كمروه.. وردن البيت .. طبعا سارن يسلمن على العيوز يدت مهاري .. ويلسن عندها لان كانت تترياهن وعقب ما سلمن على العيوز وستراحن البنات استأذنت مهاري تبا اتسير تتسبح واتصلي . وطبعا ميروه اتقوولها.. بتتسبحين ويتناغزن في الرمسه .. سارت مهاري غرفتها. وظهرتلها فوده وثياب .. اتسبحت وخلصت وطاحت على الكرفايه … ويو غمضت عينها … اتذكرت انها ما فجت الرساله.. ونزلت مره ثانيه تحت اتيب الرساله ..
واول ما طاحت على الكرفايه شمت الرساله .. فيها ريحه عطر خفيف وايد حلو حاولت تتذكر ريحه ولد الشواهين.. قالت في خاطرها االلهم اجعله خير .. وفجت الرساله …
وكان مكتوب في الرساله ..
الي الغاليه : مهاري …….. ترقبوا الاحداث في الجزء 7
بقلم شوق دبي …. حقوق الطبع محفوظه..
القارئ بنت بلال !!
تتريااااااااااااااااااااااا الجزء السابع !!
و تسلميييييييييييييين ^_^
أدري انا حشارناج واااايد بس شو نسوي القصة حلوة
نترايا الجزء الــسابع:22 (1):