انا خلاص مليت الدوام اللي انا فيه ما اطيقه مووول ناس همجيين وكل وحدة تحش في الثانية واللي ويايه تعاملني كاني حيوانة عندها وانا ساكتة عنها مع اني اقدر اشرشحها واخليها تتادب بس لاني هادية وقلبي طيب ومابي مشاكل وهذا غير الحسد والغيرة اللي فيهم اذا وحدة مثلا عطوها بطاقة شكر يقولون هاي على اي اساس معطينها بطاقة شكر وهاي ماتعرف شي في الشغل وحتى الرياييل اللي عندنا بعد نفس الشي كلامهم نفس الحريم ويغارون شرات الحريم ويرمسون من بينهم ان فلانة غبية وماتعرف شي ويحشون وفيهم غيرة حتى الرياييل و موول مايشجعون الموظفة اليديدة تتاقلم ويا الشغل
انا بكمل عندهم سنة بس عمري ماحسيت اني تاقلمت وياهم الموظفة اليديدة تحتاج حد يكون وياها ويساندها بس للاسف مالقيت ترحيب ولا مساندة لقيت اهانات . انا قلت الحين هذي دايرة حكومية واكيد بستانس فيها وبلقى ناس طيبين بس للاسف . تخيلو هذي اللي يالسة عندي تفر عليه الورقة وتقول حقي سيري ودي الورقة عند فلانة كأني اشتغل عندها يعني هي ماتقدر ترمسني على الاقل باحترام؟؟ بصراحة ناس في قمة الوقاحة في هالادارة وانا ماريد اكون مثلهم واحس ماعندي حد في الدوام 
حتى ربيعاتي ايام الكلية نسوني مايتصلون فيني عسب افضفضلهم حتى امي اللي كنت اشكيلها همومي الحين احسها تغيرت وماتسمعني ليش جي خلاص انا تعبت ليش الصداقة صارت بلا طعم .
وفوق هذا الدوام الارف اللي انا فيه ليييييييش لييييييييييش ليش ماعندي حد يسمعني ليش كلهم مال مصالح
ذكرتيني في الوالده يحليلها والله .. قلبي يعورني عليها .. الموظفات حاسدينها لأنه ترقت و ماشاء الله عليها مب مقصره في شغلها أبد .. لكن تعامل باقي موظفات غير و غير إنه مسؤول الشغل دووم يمدحها ..لدرجة تعرفين شو حطوا في بالهم الموظفات وشو الكلام إلي وصل حق الوالده أونه الريال حاطنها في باله استغفر الله العظيم تقولين تفكير يهال و الوالده يحليلها تشتكيلي دووم من دوامها و تقعد ساعات تفكر تتطلع .. بس أقول لها دام إنج تسوين شغلج ما عليج من حد .. طنشي .. الناس كلما تشوف حد قام يسوي شغله وبضمير يقعدون يحقدونه ليش انزين .. أنا آخذ راتب ليش آخذه بس جذي زينه لا لأني يالسه أبذل جهدي و تعبي .. مب آخذ مال حرام ..
علشان هالسوااالف الباايخه والله لا اداوم ولا افكر اني ادااوم
احس الناس الحين جدااامج ربعج و من وراج يحشون فيج
حبيبتي اذا تبين تفضفضين عااادي انا موجووووده 
على طووول برايفت مسج و لا يردج الا الكيبورد
امممم ليش ما ترمسين المسؤول او المدير ؟؟
ليش تسكتين عن حقج دااام انهم ما يستحووون و هذي تصرفااتهم ؟؟
و عافانا الله حتى الشباب الحين تشوفينهم مثل الحريم ما عندهم الا الحش في الخلق و فلانه سوت و فلان سوا
عافانا الله
كوني واثقه من نفسج و لااااا يهزج ريح حبيبتي
و مثل ما قلت لج اشتكي عليهم احسن <<< مضااربجيه خخخخخ
و الله يهديهم و يعينج على مابتلاج
إنزين رايي الثاني إذا إنتي بحاجه ماسه للوظيفه … أنا أقولج كوني جادة معاهم يعني مب القصد إنج تخلقين المشاكل لا … يعني الطيبه ما تنفع اللي بيعاملج بطريقه لا تليق عامليه بنفس الأسلوب من البنات فقط .. ولكن الرياييل ولو إني أشوف اللي هاي حركاته مب ريال موليه ولا ذاق الرجوله … أما الرياييل لا تختلطين فيهم أبدا خليج بعيد عن المشاكل .. وأدعي الله دوم أنه يكفيج شرهم وقولي اذكار الصباح قبل لا تروحين إهبي حد إقولج كلمه تضيق بج
بس الحين في البيت …
نصيحه مني لج …. خليج في حالج ولا تسوين صداقات كله في مجال الشغل
ماعندي كلام زياده عن البنات ماقصرن ..
خلج بحالج ماعليج منهم وحاولي تقدمين بمكان ثاني علو عسى يطلع لج نصيب بالشغل ..
انا عفت الصداقه ع العموم .. الله يكون بعونج ..
