دوامي فيه وايد إيجابيات لكن نفسيتي داااااون و مول مالي نفس أرجع ولا أجابل حد، حتى الموظفين يتصلون ما أرد عليهم ،، حاسه شي بلوك مب طبيعي يمنعني أرجع و في نفس الوقت متلومه من التيم لانه إجازتي طالت وايد و يمكن أمددها أكثرر ،،، بنات شوروا علي شو هالحاله إلي أمر فيها ماعرف شسوي والله لكن من داخلي مب قادره أرجع الدوام مول موول و الموضوع وايد متعبني
واذا على التعب فديتج رتبي جدولج .. وخذيلج جلسات مساج واسترخاء وصفي ذهنج ..وكتبي كل اللي تحسينه مسوي ظغط على عقلج بورقه عسب يخف الظغط .. لانه اتوقع شي ظغوطات فعقلج الباطـن
والصلاه فديتج وايد زينه تخلص الجسم من الشحنات الزايده .. ف حاولي تحافظين على صلاتج .. وتقومين تصلين ركعتين كل ليله .. الرياضه بعد وايد زينه تنقي الدم وتخلي الجسم نشيط وحيوي ..
السهر يسبب الارق والتعب .. فحاولي تنامين من وقت .. وتخلصي من كل تفكير قبل النوم .. وظبطي المنبه عسب تنشين من وقت ..
بخصوص قرار الوظيفه مانصحج فديتج . لانه مثل ماتشوفين هالايام الوظايف جدا صعبه ..
ربي اييسر لج امورج والسموحه على الاطاله
لاني متاكده انج بتتندمين خاصه اني فهمت انج عزابيه
يعني الفراغ بيذبحج
حاولي تقدمين في اماكن ثانيه
واغصبي عمرج عالرده
الين ربج يحلها
ليش زين ماتحبين تردين الدوام
شو في الاسباب وكوني واضحة مع نفسك وجي
هل جو الدوام هل الموظفين
اذا تقدرين تمددين في الاجازة خلاص مددي
وغيري جو
اذا تقدرين تحصلين بارت تايم وانتي متاكده وجي
خلاص راحتك
وانا بصراحة مب عشان شي بس انصح بالراحة اكثر شي خاصة من ناحية الشغل اذا توفر البديل لاني
عانيت من قبل
ضغظ على نفسي وقلت مب محصلة شغل وجي ليييين مانفجرت وجي ومشاكل
طبعا حسب كل واحد بس كل واحد وراحته لو مافي قطع رزق او شي
بانتظار نصايح باقي الخوات