ارجو اني بس ما اكون مكرره الموضوع او ان في حد قبلي طرحه
ابدأ في السبب لطرحي هالموضوع، انا عندي والحمد لله خمس عيال ولدين وثلاث بنات، الولد والثلاث بنات إن شاء الله في المدرسه( خامس ابتدائي، ثالث ابتدائي، أول ابتدائي و روضه اولى بإذنه الواحد الأحد)
مدخلتنهم مدرسه خاصة (مدرسة الساد الخاصه في البطين العين اذا سمعتوا عنها) كانوا في مدرسة ابن خلدون باليحر من قبل بس بسبب ظرون النقل والمواصلات انجبرت انقلهم لمدرسة الساد.( مع العلم مع تغيير الكادر الإداري والمعلمات في مدرسة ابن خلدون انا ما ارتحت لها) مدرسة الساد اوكيه بس فيها بعض الملاحظات يالله الحمد لله على كل حال،ودايما البني آدم يطمع للأحسن (والأرخص خخخ)، نأتي للمهم وهو انه ما شاء الله عليهم اربعة والخامس بيلحقهم بعد كم سنه ومصاريف الخاصة بصراحة وكعائله ذو دخل متوسط ما نقدر عليه، السنه اليايه ان شاء الله قررنا انها تكون اخر سنه لهم في الخاصه، إذا قدرت اطلعهم كلهم او بعض منهم بإذن الله تعالى، وخصوصا اني ما حسيت بذاك الزود بالفرق بين المدارس الخاصه والحكومية، دفع فلوس على الفاضي ولله الحمد. اعرف عن مدارس خاصة وايد في العين ما شاء الله ما عليهم اي كلام بس مصاريفهم ورسومهم بالنسبه لنا وايد بصراحة، يمكن الناس اللي عندها ولد ولدين تقدر بس الناس اللي عندها ما شاء الله اكثرعن اربعة ومع دخل متوسط ما اعتقد.
نصحوني بالمدارس النموذجية، وحاولت اني ادخل اثنين من العيال المدارس النموذجية بس بنتي ما توفقت في اختبار تحديد المستوى وولدي ما كان في مكان له ولله الحمد، بس ها الكلام كان من قبل تقريبا سنتين، وهذا هو سبب طرحي للموضوع اني راجية منكم النصيحة حسب خبرتكم يا امهات ويا طالبات ويا معلمات في احسن وافضل مدرسه نموذجية او حكومية في العين لأني بصراحة ما عدنا نقدر على مصاريف الخاصة وفي نفس الوقت نبي الأحسن لعيالنا، اعتقد انكم فهمتوا قصدي.
وأي المدارس في نظركم وخبرتكم ومعلوماتكم هي الأحسن بشكل عام النموذجية والا الخاصة ؟؟؟؟
حبيباتي وحتى إذا ما عندكن فكره عن الموضوع بس ابدن رايكن على الأقل حتى ولو برفع الموضوع
الله يسدد خطاكن ويحقق احلامكن وامنياتكن ويجعل لكن في كل خطوه في حياتكم بركة وسعادة وخير يا رب،
والسمووووووووووووووووووحة
بس الصراحه بهذله من مدرسه لين مدرسه نفسيتهم بتتعب
اتمنى انه آخر مدرسه تنقلينهم فيها ويستقرون فيها..
المدارس الخاصة اذا تأخر الطالب عن سداد الرسوم ..يهينونه …والي يدفع اكثر في المدرسة من كل النواحي يكرمونه …
وبعدين المدارس الحكومية ..فيها نشاطات وايدة …
طولت عليج اختي …بس والله الحكومة ابرك وعيالي فيها متفوقين…*
بس أنا ما أنصحج بالمدارس النموذجية لأن مستواها ادهور وايد
أنا نقلت عيالي منها صف سابع وديته مدرسة خاصة(والله يعينا ع الإنجليزي) وصف 11 وديتها مدرسة حكومية
نصيحتي لج ولأي حد يفكر فالنموذجيات يا يصبر ع الخاص يا الحكومة أفضل
سوري ع الإطالة