الزوج اصغر سنا من الزوجة 2024.

السلام عليكم
اشحالكم خواتي؟؟؟؟
عندي سؤال محيرني….عادي لو الوحدة تتزوج واحد اصغر عنها بـــ6 سنوات؟؟؟؟حتى لو هالزواج تم بعد قصة حب؟؟؟؟ وهل سمعتو عن وحدة تزوجت واحد اصغر عنها وحياتهم ماشية ما بينهم مشاكل؟؟؟اتمنى اتفيدونا بآرائكم وتجاربكم…وشكرا

أنا اعرف وحده تزوجت ولد عمها وهو اصغر عنها وعايشين في حب وسعاده ، لكن من وجهة نظري أنا اشوفها مب عدله تتزوج البنت واحد اصغر عنها يمكن وهم صغار مايبين الفرق بس يوم تدش الحرمه سن الاربعين مثلا وريلها بعده في الثلاثينات ذيج الحزه يبين الفرق

وين المشكلة إذا الاثنين متفقين ..!!

هو عادي

اهم شي الطرفين متفقين

عن نفسي ونفسيا

حالفه مااخذ واحد انا اكبر عنه ب يوم واحد

بحسه ولدي خخخ

ادري هالشي مايخصه

والعمرمجرد رقم اصلا

نحن سوينا هالحدود

بس ما ارتاح نفسيا وعن نفسي برفض

انا اعرف واحده خذت ريلها عن حب وهي اكبر عنه ب5سنوات وكانوا وايد اوكيه مع بعض بس من بدت تكبر بدت تبين عليها علامات الكبر وهو بعده شباب وكل حين قام يعايرها انه اصغر عنها وانه بيدور على وحده صغيره مب يالس مع عيوز لين دمر نفسيتها بس ماعرف شو استوى بينهم عقب

انا ماأنصح الحرمه تاخذ ريل اصغر عنها او اكبر عنها بوايد لازم يكون فارق العمر بسيط

المفروض العمر ماله اهمية ((((((المفروووووض)))))) … واكبر مثال زواج رسولنا الكريم عليه الصلاة والسلام من السيدة خديجة رضي الله عنها….والمفروووووووووض الراييل ياخذون الرسول عليه الصلاة والسلام قدوة لهم،،،،،،بس من وين بنحصل هالريال اللي متخذ الرسول عليه الصلاة ةالسلام قدوة له!!!!!!!!!!!!!!!

عادي الوحده تاخذ واحد أصغر عنها بس عاد مب وايد وايد
يعني في حدود سنتين ثلاث سنين بالكثير
وبعدين تعتمد على حسب طبيعة الشخص
شي ناس والله العظيم أعمارهم في الثلاثين وعقولهم عقول يهال
وشي ناس أعمارهم في العشرين وعقولهم عقول ناس كبار
يعني لو كان الفرق بين الريال وحرمته كم سنه وهو عاقل ورزين صدقيني الحرمه بتعتبره أكبر عنها لا شعورياً
بتحس إنها هي الصغيره وهو الكبير ، طبعاً كبير بعقله وأفعاله واسلوبه
وعلى سبيل المثال :
وحده من ربيعاتي تزوجت واحد أصغر منها بخمس سنين وماشاء الله حياتهم حلوة وماعليها كلام

والسموووحه طولت عليكم