بنات انا حابة اسافر بالسيارة لدول الخليج بس سيارتي مرهونه لبنك دبي الإسلامي
سمعت انه لازم رساله من البنك والبعض يقول لا مب لازم ما يوقفونج على الحدود إذا راعي السيارة موجود
الحين انا ما عندي وقت استخرج هالرساله اخاف يطلبون اوراق وايد واتاخر وانا بتخلص اجازتي
إذا في وحده مسافرة قبل بسيارة مرهونه تقولي شو الإجراءات بلييييز وقفوهم على الحدود ولا لا؟
وإذا لازم استخرج الرسالة شوإجراءات البنك؟
أكيد في بنات وايد يبون يعرفون الي ماعندها فكرة تسال ريلها ولا حد من اخوانها الرياييل عندهم فكرة أكثر عن هالمواضيع
انا اعرف عن دبي الاسلامي نفس الوقت يطلعون الورقة عالكاونتر .. بس البنوك الثانية ماعرف والله .. نحن كذا مرة سافرنا وطلبوا منا الورقة …
سابقاً كان صح لازم ورقة من البنك بس الحين لا ما يحتاي عادي السياره تطلع من غير ورقة ولا شي بس لازم صاحب السيارة هو السائق
وللتاكيد اكثر اتصلي بمركز الحدود الغويفات استفسري اكثر
اتذكر سافرت انا وريلي السعودية من غير ورقة من البنك وكانت السيارة مرهونه وعادي ما قالو شي
والسموحة
واذا مب مكتوب مب لازم