بصراحه وايد استفدت منكم و من تجاربكم و يا عيالكم بس ياريت حد يقدر يفيدني انا في مشكلتي
الغاليه انا ولدي الحين ان شاء الله بيكمل 10 شهور بس المشكله مشكلة وزنه
في حين انه اللي في وزنه لازم يكون عمره سنه و شوي
نظام غذائه عادي
الساعه 7 ينش من الرقاد ريوقه توست ويا جبن
الساعه 11 و نص الغدا يكون
الساعه 3 يشرب الحليب
الساعه 6 العشا والساعه 9 الحليب ويرقد عليها
بس بعد وزنه كبير بالنسبه لعمره و خايفه تصيبه الأمراض
فديت اللي بتساعدني او تقدر تسوي لي نظام غذائي لولدي
عيالي ماشاء الله تبارك الله من يبتهم وهم اكبر عن حجمهم…الوزن اللي يكون يكون في جداول الاعمار و الوزن تكون معدل..يعني الياهل ممكن يكون اكبر عن هالوزن او اقل….وانا ماشاء الله تبارك الله عيالي فوق المعدل دايما…لانهم طوال وهذا وراثي لاني انا طويله و ريلي طويل…
فيه يهال يكونون ثجال بطبيعتهم…عظمهم قوي ماشالله…ومب شرط فيه سمنه ابدا حبيبتي…يمكن الثجل وراثه..او يمكن طويل لان الطول بعد ياثر عالوزن….
اذا حسيتي اني ياكل عادي اكله المفيد من غير حلويات و خرابيط…خلاص مافي خوف….
و انشالله أقدر أفيدج
اذا مشى ان شاء الله بيضعف
لا تفكري جديا بالموضوع قبل سن السنتين..و الافضل تستشيري طبيب تغذيه فالموضع هو افضل عنا
تمنياتي لك و لطفك دوام العافيه
دهن عود ملكي : ولدي ماشاء الله عليه من يوم ما ولدته ولدته وزنه زايد حتى اني يبته بعمليه قيصريه و ماشاء الله تبارك الرحمن طويل بعد و مشكوره ياقلبي طمنتيني
أم زايد## : الدكتوره اللي قالت لي نظمي أكله على انه اكله منظم و ما احط لا لا بسكوت و لا شكولاته
هنودة1945 : فديتج مشكوره ياقلبي
بنت المها :رديت علج بالخاص
رتاج22 : مشكوره ياقلبي و كلامج شرات كلام الوالده يوم قالت لي اصبري عليه لين ما يمشي