في ابنته المرحومه ( خزينه )
الله من سود الليالي الحزينه
……………. من ليلتـــن ظلما عليـه بشينـه
تجمعت فيها هموم ونكايد
……………. وتجمعت سحب الطواري المشينه
تجمعت في وسط صدري وقلبي
……………. ورعادها في القلب تسمع حنينـه
جاني خبر والحال منه تكدر
……………. و الدمــع من لعيـان أروى بطيـنه
وانا على حكم القدر دوم راضي
……………. من عنـد معبــــودن حبـالـه متينـه
يعطي ويأخذ لاطلبها الامانه
……………. لو أنهــا وسط الحصـون المنيعـه
وهذي الأمانه حطها الله وخذها
……………. ثم شالهــا فـي وقتــها يـوم حينـه
وانا على فرقى الامانه معذب
……………. والقلـب م الفرقـــى تزايـد ونينـه
الله يصبرني صبر بعد فرقا
……………. ويحــط فـي قلبي أمـان السكينـه
من بعدها ضاعت عليه ميولي
……………. وا لـــزاد مـاليبـه و لا ريـد تيـنــه
الله يعين الي فقد له بغالي
…………….واللي فقد غالي عسى الله يعينـه
هذي فقيذه والفجيعه كبيره
…………….شريــان من قلبــي فقدتـه بحينـه
?فقدت بنتي وسط قلبي سكنها
……………. في وسط شرياني وبكبدي رهينـه
الها مكانه في حنايا ضلوعي
. ……………أحـبـهـا و اللـــه بنتــي خزيـنــه
بنتي صحيح من النساء الله خلقها
….. ……….. أفـعـالهـــا رجـال كفـــوأ بعيـنـه
حشمه ومقدار وكرامه وطيبه
……………. وأخـلاق والنــاموس وفروض دينــه
مهما نعدد وصفها مانوفي
……………. فـي حقهـا وافعالهــــا الـكـل زيـنــه
والموت مايمهل ويعطيك فرصه
……………. و الادمـي مكتـوب لـه فـي جـبينـه
ياالله عسى في جنة الخلد تسكن
……………. في جـنـــة الفـردوس فيهـا إمينـه
مع رسول الله خير البرايا ?. . .
……………. وتهتنــي مـن حوضـه من إييدينـه
رسولنا المرسول بأغلى رساله
……………. موحـد الكلمـه علـــى نهـج ديـنـه
شفيعنا يوم المنادي ينادي
…………….فـي وقـت شـدات الـحزم و الغبينه
عليه مرضوف الصلاة والسلامي
…………….على النببي العدنان بأرض المدينه
شكر خاص من الشاعر : علي الكندي لجميع الأخوه والأخوات الذي شاركوه في أحزانه وزاروه في محله لتقديم واجب العزا والذي قاموا بالاتصال هاتفيأ من الدوله أو من مجلس التعاون الخليجي او من الدول العربيه شكرا جزيلا لهم
ويصبر ابوها ع فراقها يا رب
……………. في وسط شرياني وبكبدي رهينـه
الها مكانه في حنايا ضلوعي
. ……………أحـبـهـا و اللـــه بنتــي خزيـنــه
كلمـآات حزينه من الخاااطر 
الله يرحمها برحمته الواسعة والله يصبر أبوها
مشكورة يالغاليه ع القصيدة
جزاكن الله خير ع المرور ^_^
الله يرحمها ويصبر اهلها على مصابهم الجلل
تسلمين ع المرور