الصدر يتفجربعد حالة الكبت 2024.

السلام عليكم خواتي شو اخباركن

الصراحه من فترة وانا اعاني من هالمشكله( مشاكل ) ومب عارفة شو اسوي
امي ما اقدر اقولها اخاف تكبر المواضيع

انا متزوجه من 9 شهور بس يوم تزوجت وانا في مشاكل

صح صغيرة وساعات تافهة بس كثرة هالمشاكل وانا ساكته واطوف
وارمس ريلي ويتاسف بس ماشي فايده

هالانسان خالي من الانسانية والاحساس
وبسبب وبدون سبب يعق عليه كلام مثل السم
وكل يوم يطلع بشي يديد
كل ما احاول ارضيه مايعجبه شي وكل شي انا اسويه غلط وناقص
حتى شكلي مايعجبه وجسمي كل ما البس شي يتمصخر علي
واليوم صدمني من صدماته الحلوة وقالي بمعنى كلامه لاتقصين على نفسج وتتعدلين وتلبسين ( سواء قمصان نوم او ملابس اغراء) ولاشي حلو عليج
لو اتمين بمخورة وايد احسن لج وحتى هالصبغ الي تحطينه سيري شليه احسن لج اخر مره اشوفج مصبغه ويهج مع انه ميكبي خفيف وايد جحال في العين وقلوس وبلشر خفيف واذا كثرت احط لون بينك على عيوني بشكل خيفيف
تخيلو قعد يطنز علي ودوم يوم احاول اغير ستايلي يطنز عليه شو مسويه في عمرج كانه شايف جنيه
غير اني اتشحت منه الكلام الحلو والله انه يقول الكلمه الحلوة بالحسرة عليه
وصح انه مب مقصر من الناحيه المادية
بس هذا مايعطيه الحق انه يعاملني بهذي الطريقة
تخيلو في شهر 11 كان عيد ميلاده واهتميت فيه على الاخر شهرين قبل وان اجهز له واتفرفر من مكان لمكان عشان يكون كل شي برفكت
وكل شي تم وكان حلوسويت له حفله وكيكه وخذت له هديه بوكس في اكثر من شي ، هالشهر كان عيد ميلادي خذ لي عطر وعطاني فلوس وقالي خذي الي تبغينه ما اعرف حق هالسوالف والا ابغي اعرف يوم قلت له جي تعاملني ولا حتى تذكرت الي سويته حقك قالي اولا انا ماطلبت منج شي ثانيا لا تذليني ثالثا اصلا ما عيبني شي من الي يبتيه ( مع اني كل الاشياء الي خذتها من باريس جلاري ) قالي اصلا تفاهات هداياج وكل الي تسوينه اشوفه سخيف
هالكلام من يومين صار ………..
هل انا مكبره السالفة ؟ كيف اتصرف معاه انا تعبانه وايد بليز ساعدوني

الله يعينج الغاليه والله حرام عليه يسوي جيه ونتوا بعدكم ماكملتوا سنه

والله اني مستغربه من بعض الشباب ليش يسوون جيه في حريمهم .. اتخيلي في وحده من قرايبنا ريلها سوالها عرس شو كبره لا وكتب فيها قصيده اونه من حبه ومناك كله خرطي ومادري شو وعقب العرس انجلب 180 درجه عليها المسكينه لدرجة انه كان يعيب عليها ويعلق على ويها ؟؟ وفي الاخير ماقدرت تتحمله وطلقت منه مع انها يايبه منه بنت .

ولا الثانيه اربيعتي تقريبا ريلها نفس ريلج كله يتمسخر عليها ومايعيبه شي فيها مع انها ماشاءالله حلوه ومب قاصرنها شي حتى انها مره اشترت له هديه ساعه جان يقوللها اوني انا مالبس ها النوع من السوع وهاذي بعطيها الطباخ؟؟؟؟؟؟؟؟؟ شفتي إهانه مثل ها الاهانه حليلها المسكينه بعد اصبرت وصبرت بس في الاخير ماقدرت وطلقت وهي عندها منه بنت وولد

بس اختي انتي حاولي تيلسين وتتناقشين وياه يوم بيكون هادي وقوليله ترضى اني اعاملك مثل ما تعاملني وقلل من قيمتك وقدرك؟ واذا انت مادلعتني ولا قلت لي كلمه حلوه منو اللي بيدلعني ؟ وشوفي شو بيكون رده؟ واذا ماشي فايده كلمي حد من اهله مثلا امه اذا كانت زينه وياج وخليها تنصح ولدها وتفهمه ان احترام الزوجه واجب . وان اللي يسويه هذا غلط .

دام ما بينكم عياااااال لحقي عمرج وحاولي توقفينه عند حده يا يعاملج مثل الاوادم والا يصارحج ليش يسوي فيج جيه !!!!!!!!

لا تعبين عمرج الغاليه أرمي كل شي وراء ظهرج و عيشي طبيعي يعني لا تترين منه شي وطنشي مسيره بيردلج و يوم بيرمس قولي ليه الله يسامحك مش جينتل مان شوف اللبنانين كيف يعاملون حريمهم صدق كلاس وحبيبتي العرس يدخل تطلع الرومانسيه ويوم بيقولج لاتلبسين قولي له رايك و أحترمه بس أنا جيه كوني و اثقه من نفسج و تعدلي و صرفي لا تحنين عليه ألبسي و أدلعي مااااااااااالت عليهم الريايل كلهم جيه .

ما ادري ليش الحريم يرضخن وايد لرياييلهم .. اوكيه ريلج ع العين والراس
بس ما بعطيه الحق انه يتمادى ويطنز عليه .. يخسي هاللي قاصر بعد
اقعد بيت هليه معززه مكرمه ولا اخليه يعق عليه ولا نص رمسه ..

صدقيني ختيه لو وقفتيه من اول ما بدا يطنز ما بيتجرأ ويعق عليج
شرى هالرمسه .. الحرمه لازم اتكون شخصيتها قويه .. هب اتم ساكته
والاخ ماخذ راحته .. ويطنز ويعلق ..

صدق رياييل اخر زمن ..
انتي هب مكبره الموضوع .. الموضوع بروحه كبير .. وانتي لازم
اتحطين حد لاسلوب ريلج .. يا انه يصطلب ويحترمج
ولا انج اتسيرين بيت هلج .. وذيج الساعه بيعرف قدرج عنده

لازم تواجهينه و ناقشيه

وانتي توج عروس بعد ………..