حبيت اشارككم فرحتي هاليومين
المهم بخبركم السالفة والله العالم وحده شو نيتي
المهم… السالفة يا خواتي اني كان عندي فلوس او مصروفي الشهري يلي أخذه من ريلي
وزعته على الخدامة وكان معاشهاا وبنفس الاسبوع كنت زائرة الأهل ومستحية من أمي احس اني مقصرة وياها وقبل لا ارد بيتي حطيت المقسوم عند وحدة من خواتي تعطيها لامي من اروح عنهم للعلم بس… اهلي الله يغنيهم بفضله بس وامي مب محتاية
بس أنا اعتبرتها هدية بسيطة مني
المهم ثالث يوم كان عندي موعد لواحد من العيال وشفت طاولة الهلال الاحمر ما ادري ليش استحي أسير ممكن لان يلي يشتغل ريال على الطاولة مب حرمة
المهم سرت عنده وخذت لي كم من كوبون من دون ما اشوف بس جذيه اختياري ونيتي كانت أتصدق بس عني وعن ريلي وعيالي
المهم لما رديت البيت بقى عندي مبلغ بسيط وما عرفت كيف أتصرف بالباقي وما ندمت. على يلي سويته بنفس اليوم على اول الشهر ريلي كان متضايق لأننا بأزمة مالية صعبة
المفاجأة هي كنت ادور بالكبت عن أوراق لي مغيبتنهن وانا ادور جان ألقى
50000 الف درهم وتميت صاخة وبعدها على طول من الفرحة اتصل على ريلي اقوله. يا بو فلان عندي لك خبر حلو جان اقوله ومب مصدقنيي
وكانت هالفلوس من بين فلوس كانت عندي أمانة من عند ريلي وعلى بالي انهن انصرفت
المهم الريال عطاني الفلوس كللللها لي على امانتي وصدقي وياه وانا ما كنت حاطة في بالي ابد ولا فلس … كلهن كنت اباهن لريلي وسبحان الله وقدرته قسمت الفلوس اكثر عن مكان والله العظيم ما عمري شفت فلوس تتبارك مثل هالفلوس وما زال عندي منهن فائض لليوم
في ناس تنصرف هالمبلغ عندي ب ليلة وحدة وما شاء الله وايد استنفعوا من هالمبلغ
وقلت بإذن الله ما بترك هالعادة الجميلة مب عشان احصل الفلوس والله
بس عشان ربي فرجها علينا من أوسع ابوابه
الصدقة تراها زينة والله بتحسون بشعور غريب لما تتبرعون
أختكم بالله
الغلا
انا بقول لج قصص عنى واعن اهلي
انا اختى كانت بتسوي 7 عمليات صيخ فالريوله المهم
نحن ناسين سالفه الصدقه لانه كنا محزيييييييينين ولاغداء ولا عشا ولاريوق المهم والله العظيم يابنات انه الدمعه في عيني صار له من ساعه10 الصبح لين الظهر
والله العظيم واشكي لربي واصلي واتذكر الصدقه واربع وفز فزه واروح سوق المواشي اذبح هذاك الخروف واتصدق فيه على الفقرا لى فشوراع حليلهم البتان وهذولي لى يشتغلون
والله يابنات كان نيني التصدق بدل اختى عسب الله يقومه بسلامه وينحج العمليات المهم
وكانت النتيجه
–
–
–
طلعت بخير ونجحت الحمدلله
وبكيت بكيت فرح
واشياء وايده عن الصدقه وكان ولدي الحرارة ماتنزل عن39 والله يابنات اني بغيت اموت ولدي ويبته عقب فترها المهم ورحت واتصدق على الفقرا والحمدلله نزلت فجاه ويضحك فديته كان صغنونى سنه عمرها
وسالفه هذيطازج اليوووووووووووووووووووووم اقسم بالله مااجذب عليكن
انه اميه اتصدقت على البنجاليه بيسافر باكر وفرحته وحليله بملغ بسيط
المهم واخوى راجع من الدوام وسوا حادث وسياره اتكسلت المهم نحن زغنا عليه وخفنا وهو يدق عليه يقول ليش تلفونتكم مشغوله
قلت له انته حي ولا ميت
قال انا حي انا بخيررررر
قلت سير وحب راس اميه هذا من فضل ربي وفضله ومن عطائها للناس وتصدقه بالخيررررررررر
مشكورة على الموووضوع الرائع
أبغي أعرف تنفع لغير المسلم؟؟؟؟؟
وفعلا الصدقة لها اثر طيب وتبارك في النفس قبل البيزات
والحمدلله أنا مداومـة عليها باللي قسم الله
وربي شاهد ان سبحان الله ما عمر رزقي ينقطع من بديت أتصدق
اللهم لك الحمد ربي يثبتنا ويهدينا
ونصيحـة للخوات ,, مهما قل معاشكم أو مصروفكـم
ومهما كثرت مصااريفكم ومصاريف أهلكم
لا تبخلو على نفسكم بصدقـة مهما كانت صغيرة
تراها كبيرة عند رب العالمين 
اختي مرة تصدقت بـ 500 درهم لشخص آسيوي كان وايد تعبان ..
و ثاني يوم على طووول الله رزقهااا بـ 8000 درهم
وهاي الموقف ولا شي بالنسبة لقصص اخرى صارت معانا
واللي يبى الشفى فعليه بالصدقة ..الصدقة تطفيء غضب الرب
بشكل عام اي موضوع متعسر وياكم عليكم بالصدقة