شو رايكم كل وحدة تخبرنا كيف هيأت اطفالها لاستقبال المولود الجديد.. وكيف قدرت تحببهم فيه.. وشكرا
نتريا هل الخبره
أنا عندي 3 بنات و من شهر ولدت ويبت ولد الله يحفظهم
بنتي الصغيرة عمرها 2 سنتين و شهرين وكانت مستانسة لما اقولها عن البيبي و بعد الولادة تغيرت طباعها 180 درجة
صارت كله تصيح و تصرخ وتتعمد تحطي ايدها بحلقها و تمص صبعها وتغار من البيبي وصارت عدوانية مع خواتها و مع اي طفل تشوفه وكله مضايجة وايد متعبتني وياها
بليز اللي عندها تجربة تفيدني لاني واايد مضايجة من اسلوبها
واحببه فاليهال الي اصغر عنه.
انا وايد جربت اشياء بس بعد ولدي تم يغار
يعني احس مرحله غيرة الياهل الكبير من اخوه ولا اخته لابد منها. لانه كان متعود الاهتمام له بس
بنتي الاولى الحمد لله ماتعبتني ابدا. فديتها كانت هادية. فيوم يبت اخوها ماحسيت انها وايد غارت وجيه. ولا انها تمت تصيح على اي شي. الحمد لله
يبت بنتي الثانية فديتها وعمر اخوها تقريبا سنة و ٥ شهور
وايد غار وصار صياح وايد ومزعج ويبا كل شي بكيفه
اعرف هو يصيح ويصارخ ويعاند بس لانه يغار من اخته ويبا يلفت الانتباه له بروحه
فالبداية اتم اشله واعطيه الي يباه لانه يكسر خاطري. بس شفت بدا يتعود اعطيه اي شي يباه
فبديت وياه باسلوب ثاني. وهو يا اكلمه بهدوء واقوله لا وعيب. ولا اشغله فشي ثاني. واذا ماشي فايدة. اطنشه. اتم ساكته وهو يصيح. عقب بروحه يسكت
لانه الدلع يخلي الياهل مزعج وكله يصيح
شهر واحد بيكمل ٣ سنوات وبعده صياح. هالفترة صرت وايد اطنشه. بيصيح وبيسكت بروحه
فصدق وايد تعب اذا كان الياهل الاول وايد يغار ويحب يلفت الانتباه له بالصياح والدلع
الله يعينا على تربيتهم