شخباركم كروشات؟
انا الحين بالشهر التاسع.. 37 اسبوع
واراجع في مستشفى لطيفه
الدكتوره تبي تعطيني طلق صناعي تاريخ 24 من هالشهر
مع اني المفروض اربي اول اسبوع في شهر 7
اتقولي ان البيبي صغيرون ومب زين يتم وايد في بطني
يمكن يكون خطر ع حياته
وانا وايد احاتي
ما اعرف اسوي الطلق الصناعي ولا اتريا
لان الحمد لله تخطيط القلب و حركة البيبي اوكي
بس الماي شوي ناقص حول البيبي.. وهم قالولي ان عادي لان مب ناقص وايد
احس عمري مب مستوعبه ليش تباني اربي قبل؟!!
وهي سوتلي فحص من داخل عشان تشوف لو عنق الرحم مفتوح
تعذبت.. ما نبهتني عشان اخاذ نفس وارخي جسمي
وقالتلي مفتوح واحد سانتي ونص يمكن ينزل عليه دم لانها فحصتني
ونزل عليه دم وافرازات اكثر عن كل مره
ما اعرف شو اسوي!
حد مر بنفس اللي انا مريت فيه ويقدر يفيدني؟
ولو حد مسوي طلق صناعي وممكن يخبرني كيف يكون؟
مشكوره فديتج ع الرد
بديت امشي
ومرات احس بويع في بطني و ظهري
بس يتم فتره قصيره ويروح
ولان هذا اول حمل لي
فما اعرف شو لازم اسوي
حبيبتي انا وايد سمعت من ناس انه الطلق الصناعي يسوي ويع اكتر عن الطبيعي بس هالكلام مب صحيح امية بالمية انا اول ولادة انفتح كيس الماي بس ما ياني الطلق والدكتورة حطت لي طلق صناعي وفي بنتي الثانية كانت ولادة طبيعي ما اشوف في فرق من بين الاتنين غير انه اول ولادة طولت شوية لاني بكرية والولادة الاولى والثانية كانت في الاسبوع 40
وعليج حبيبتي اول شي بالدعاء لله انه يسر امورج في كل سجود وعند التشهد وعليج بالمشي وادا ترومين تطلعين دري وتنزلين بعد يفيد بس تحاسبين عن تطيحن
آمين
oumasmaa
مشكوره يالغاليه
الله ييسر ويسهل عليه وعلى كل حامل
والله يكتب اللي فيه الخير
دوم اقرا دعاء الاستخاره وادعي
ان شاء الله الله بيسهل