بما أن العصيدة طبق مرغوب وايد في منتدانا ،، حبيت أحط طريقتي فيها،، و أتمنى انها تعجبكم و تجربونها .. لانها واااااايد لذيذه بشهادة الجميع والله
نبدا بالمقادير :
نصف كيس (كيس ابو كيلو ) طحين رقم 2
نشفشفه و نضيف له قليل من ( الجرفة – الهيل – الزعفران – ممكن شوية كركم – زنجبيل بودرة ) وهذا كله اختيار، ممكن ما تضيفينه على الطحين بس هو مطيبات تعطي ريحة ونكهة حلوة . وتقلبينه على نار هادية لحد ما ينضى تماما .
بعد ذلك تنخلين الطحين بالمنخل ، وتتركينه على جنب .
نحمر 4 أكواب و نص أو خمسه (حسب الرغبة ) سكر . وانتبهي ما تحمرينه وايد حتى ما يعطي طعم مر .
لما يصير كاراميل ، نضيف عليه مقدار الماء ( تقريبا نصف الجدر ) .
ونضيف للماي : ملعقة كبيرة زعفران أصلي – ملعقة صغيرة كركم – ملعقتين هيل .وتتركينه يغلي بس مش وايد.
يفور مرة أو مرتين خلاص اشخلي الماي .
الحين خفي شوي من كمية الماي واتركي ربع المقدار في الجدر و ضيفي عليه مقدار الطحين تدريجيا وانتي تحركين لين تحصلين على خليط متناسق و ناعم وخفيف نوعا ما ( مثل المحلبية الخفيفة تقريبا):
الحين حطي الجدر مرة ثانية على نار هادية وغطية لمدة 4 دقايق تقريبا . وعقبها قلبي العصيدة شوي و ضيفي لها زيت ( ربع- نص كوب- ممكن تحتاج أكثر تقدرين تحددين بالنظر ).و قلبيها شوي .
اتركيها دقايق تشوفيناه استوت ناااعمة و ريحتها خنينة 
حطيها في الحرارة .. أو في صحن التقديم وامسحي الوجه بدهنة خنينه :
و حطيت شوية بيض عالجنب للي يحبونها مع البيض ( تراها روعة مع البيض بس جربو)
أتمنى تعجبكم ،،،، تحياتي للجميع ،،، و السموحة على القصور،،و بالعافية
ان شاءالله بجربه
الله يعطيج العافية
وان شااااااء الله رااااااح اجربهااا في اقرب فرصه
مشكووووووووووووره ومقصرتي حبوبه
وناااااااااااطرين ابدااعاات مطبخيه جديده^^