حبيت استفسر عن غرف VIP
في مستشفى الكورنيش .. كيف اقدر احجز لي غرفه..؟؟ و كم تكلف ؟؟ و شوو يوفروون في الغرفه من الخدمات ؟؟ و شو ضمان الحجز يعني هل ممكن ايوون على يوم و لاتي يقولون مب متوفر اي غرفه مع اني اكون حاجزة من قبل ؟؟؟
لاني رح اربي بعد شهرين و حابه من الحين احجز ؟؟؟؟؟؟؟؟؟؟؟؟؟
المواطنه إلها الحق في بداية الشهر التاسع تروح عند قسم vip هناك في حرمه مواطنه أتقوليها أريد غرفه vip وتمليلج أستماره وتاخذ رقم ملفج وتوقعين على الورقه وتحطها في الملف .. هاذا الأجراء للناس العاديه بس عاد لو ريلج منصبه وزير سفير أو مركز مهم أو رتبه من مقدم وعقيد في الشرطه والجيش هاذيلا حاله خاصه متوفر لهم على طول .
طبعاً في ثلاث أنواع من الغرف :
1- غرفه كبيره مع حمام وبرا يكون المطبخ .
2- رويال تتكون من غرفتين صاله وغرفة نوم .
تكلفتهم بحدود 1300 وكسور في الليله شفت السعر بس ما أنتبهت له عدل وما ياخذون عليج شي لين ما تسكنين الغرف .
3- وأضعف الأيمان غرفه عاديه بس يحطونج vip يعني تتعاملين معاملة vip في الزيارات وخلافه .
بالنسبه للخدمات
الزياره مفتوحه صبح ومساء الزوار مايتقيدون بمواعيد الزيارات المحدده للعادي في المستشفى .
أمممممممم شو بعد ألهم قسم خاص vip .. وما أدري بعد شو الخدامات الثانيه المتوفره .
المشكله عزيزتي
أنه أذا توفرت الغرفه الخاصه لج بيحطونج فيها وأذا لا الله المستعان بيخلونج في غرفه عاديه يعني التساهيل من رب العالمين .
أن شاء الله الأخوات يفيدنج أكثر أذا نسيت شي أو نقصت .
ام شيخه ما قصرتي.. بس ريلي موظف عادي لا يهش ولا ينش!!
انا مرتين ربيت في الكرنيش وكل مره اوقع على ورقه.. ولكن خبر خير!!
بس في ولاتي الثانية.. إتضاربت ويا السسترات وما رضيت ادخل انا والياهل غرفة مشتركة.. وقعدة قرابة النص ساعة في غرفة الولادة لين وفروا لي غرفة بس من النوع الثالث..
بس هالمرة ما فيني حيل اضارب ولا شي!!