يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها
الظاهرة التي انتشرت وبشكل فظيع وهي
كتابة عبارات سفيهه ومبتذله على عبايات النساء
منهم من تكتب على العباية
Follow me
أي إلحــــــــــق بي <<<< وكأن الناس مايفهمون باللغة
واللي تكتب إسمــــــــــــها وتزخرفه كانه نك نيم والا بطاقة جامعيه
واللي تخط حرفها بالخط العريض اللامع على ظهرها
واللي من كثر الإعتزاز بقبيلها تكتب
(اسم قبيلتها) وأفتخر
خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها
والأدهــــــــــــــــــــى
والأمر
واللي يصــــــــــــرع
اللي تكتب لك
(( إذا في امك خير إلحقني ))
إما انها تهدد <<<< وكنها تقدر تضرب بعد
وأيضاً
البنت اللي كتبت عنها حتى الجرايد الخليجية
واللي كانت كاتبه على عبايتها
(( أتحــــــــــــــــــداك تلمسني ))
عرض صريح
ماناقص الا تكتب عليه
تخفيضـــات 50% على اللي يلمسنى
والي عباتها عليها صورة الشيوخ …..
طبعاً بالألوان ………. !!
اذا انتي وطنيه لهدرجه سوي العبايه وخليها بالبيت ؟؟؟
أعزائي
القضية هنا ماتمس العادات والتقاليد فقط
تمس الدين أيضاً
الظاهرة هذي نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه
فهي بدأت ومن ثم انتشرت
وكيف انتشرت
كل هذا نتيجة لسطحية التفكير وضعف الوازع الديني
وفقدان السيطرة على زمام الأمور وإيجاد حل للمشكلة بعقلانية وتروي وإنضباط
هذي نتيجة …….. ارخاء العصا وعدم مسكها من النص
اللهم لك الحمد والشكر
اخواني ..
ماهي الفتاة بدون عفه وحياء وشرف؟؟
وماهو الحجاب إن لم يكن يؤدي الغرض الذي شرع من أجله؟؟…..
السؤال…اين اولياء الامور…
اين الاب؟ …من اشترى تلك العباءة؟…
ااستغفرالله واتوب إليه .. الله يهديهم يارب
شي لأول مرة اسمع فيه ؟؟
والله شــي يعور القلب .. انج تشوفين وحدة مسلمة في بلاد مسلمة ترخص بعمرها لهالدرجة ..
وين الأم ؟؟ والأب ؟؟ و الأخ ..؟؟ هاي عرضكم .. كيف ترضون ؟؟ وين الغيرة على العرض ؟؟
ماقول بس غير حسبي الله ونعم الوكيل …حسبي الله ونعم الوكيل ..
والله ادمعت عيوني يوم قريت هالشي .. معقولة نوصل لهادرجة !!
أسأل الله العفو والعافية .. وان يهدي بنات المسلمين ويستر عليهن
مشكورة عزيزتي على الموضوع
نفع الله بك الاسلام والمسلمين