هذه اول مشاركة لي واتمنى تساعدوني انا ابغي اتعلم خياطة العبايات
فلو ممكن تدلوني على مكان يكون في الشارجة او دبي او عجمان و جازاكم الله خير:1 (85):الله يرزقني الذريه الصالحه والزوج الصاااالح
حليلي بعدني ماعرست ..
يالله ان شاء الله يكون ردي فال خير واملج واعرس جريب ((اللهم آمين ))
وأسعارهم وايد زينه يعلمونج كل شي فالخياطه من ملابس الأطفال لين الفساتين ..
ممكن ادقيلهم وتطلبين منهم يعلمونج الخياطه …
وممكن اعلمج طريقه …. راح تكون في البدايه مش بروفشنال بس تنفع مع الممارسه راح تكون خياطتج
أوكي …
ييبي عباه ما تبينها … وقصيها مكان الخياطه … يعني قصي الجوانب المخيطه ..
يعني فججيها … افردي قطعه العباه … ووزعي الأجزاء اللي قصيتيها على القطعه اليديده ..
ثبتي الأجزاء …
ييبي الماركر مال الخياطه … وحددي الأطراف … مع اضافة 2 سم .. للخياطه
يعني بين جزء العباه اللي تحددينه ومكان الخط اللي راح تسوينه خلي مسافه 2 سم ..
بعد ماتخلصين شيلي الأجزاء المقطعه …
وراح يصير عندج مخطط لعباه يديده … قصي اللي حددتيه .. وخيطيه .. ولا وديه للخياط يخيطه ..
وإذا حابه تضيفين تطريز .. طرزيها … وركبي الشغل اللي تبينه على اليد … وعقب وديها الخياط
يخيطلج ياها …. 
أتمنى لج الاستفاده وأتمنى شرحي يكون واضح …