بسالكم كيف الدكاترة يخبرون المريض انه في سرطان الله يكفيناا شره بس بمجرد انه
يشوف الورم يقول هااا 90 بالميه سرطان بدون ما يسوي فحوصات للمريض عشان يتاكد
وفرضا لو كان هو المرض .. كيف يخبر المريض؟!! ليش ما يقول للي وياه
المفروض يراعي نفسية المريض لانهاا بتكون صدمة له ويمكن تاثر عليه
وهااا كله بس بمجرد انه شك يعني مب اكيد..
هالسالفه صايرة لامي راحت لمستشفى النور واول ما شافتهاا الدكتورة قالت هااا
احتمال يكون سرطان قالتلهاا بنسويلج فحوصات وبنتاكد .. لو تشوفون الوالدة كيف نفسيتهاا
تعبت لا تاكل ولا ترقد وكله تفكر في عيالهااا وخاصة انه عندي خوات مرضى الله يشفيهن
تقول منوو بيشوفهن لو صار فيني شي واتم تصيح… يعني مب حرام جي يخلون الواحد نفسيته تتعب وهم مب متاكدين من المرض .. عقب كم يوم اتصلوا فيهاا قالولها الفحوصات اوكيه واحناا طرشناها برع وقالوا انها نورمل ومافيج شي !!!!
امي وايد استانست وتمت تحمد ربي ..
بس عقب اسبوع تمت تتالم وماقدرت وسارت مستشفى حكومي وللاسف راحت عند دكتور معروف باسلوبه الزفت قال هاااا سرطان معروف و90 بالميه يكون هو وانا بحولج لمستشفى توام يسولج فحوصات هناك… استغفر الله المفروض يخبر اختي اللي وياها ع الاقل مب يقوللها جي فيج سرطان وهو مب متاكد.. والله امي ردت نفسيتهااا تعبانه لا تتكلم ولا تاكل ..
اللحين سوت فحوصات في توام بس النتيجة عقب اسبوعين ..
ان شااااااء الله تكون فحوصاتها سليمة واللي فيهاا يكون شي بسيط
وانا كاتبه الموضوع لاني مقهورة من هالدكاترة اللي ماعندهم احساس ما يفكرون بنفسية الانسان
وانه ع هالشي بياثر ع صحته زيادة .. لا حول ولا قوة الا بالله اللهم لك الحمد,,
ادعولهاا يا بنات .. والله يشفي كل مرضى المسلمين يارب
الله يشفيها يااااااااااااااااارب
ويشفي جميع أمهات المسلمين
الله يشفييها يااااااااااارب ويشفي أمي الغاليه ويرجعها لنا بالسلامه
آآآآآآآآآآآمين
ويشفي جميع أمهات المسلمين
ما نقول غير الله يهدي الجميع
ابصراحة اهو لو ما متاكد لازم حتى ما يلمح لحد ما يتاكد ليش يزيدون الناس هم على همهم
والله اللي ما فيه عوق بييه غصب
حسبي الله ونعم الوكيل
والله يشافي امج وترد بخير وسهاله لبيتها وعيالها يارب.