شحالكن فديتكن..
قصتي قصه وان شاء الله ماتملن منها..
تاريخ 13-5-2008 يتني الدور وجلست 7 ايام طبيعي المهم بتاريخ 26-5-2008 يتني على شكل دوره متقطعه والمهم بعد اريع تيام سويت تحليل بول وطلعت حامل ولله الحمد وبتاريخ 23-6-2008 سويت تحليل دم وطلعت ام اسبوعين وشوي..المهم بتاريخ 6-7-2008 رحت مستشفى الواحه وسوولي صوره وقالتلي والله انتي ام 7 اسابيع وكيس بدون جنين الصراحه انا انصدمت وتعبت وصحت ونسيت سالفة فحص الدم ..وقالتلي الدكتور(ماتخاف ربها)تعالينا بعد 4 ايام واذا ماشي جنين بنزله لج وانا طنشتها..يوم رحت البيت قلت حق ريليه انا سويت فحص دم وكنت ام اسبوعين وشوي كيف صرت ام 7 اسابيع والله استغربت تشخيصهم هب شي..المهم بعد اسبوعين حللت دم والحمدالله تضاعف عندي هرمون الدم ورحت عيادة فوفو وليتني مارحتلها(ماقول غير الحمدالله على كل شي)قالتلي في جنين بس ميت ومن هالكلام ويوم فحصتني من تحت فحصتني بقو وقالتلي اذا مانزل عليج دم هالاسبوع انا بنزله لج(ماقلت غير الحمدالله على كل شي) والحمدالله يوم ييت البيت حملت بنتي ويوم نزلتها على الارض نزل على دم خفيف(الحمدالله والشكر)والله يبنات تعبت وماعرفت وين اروح وتميت ادعي ربي..ويوم الصبح رحت دبي وشافتني الدكتوره قالتلي حرام عليهم الكيس عندج زين والجنين باين وهو بو 6 اسابيع وعن لاينبض قلبه اربع ايام والله رحتني هالدكتوره..المهم دحت البيت وانا كنت حاجزه للعمره وايد ترددت اروح ولا لا والاهل مايبوني اروح وانا قلبي متعلق هناك وتوكلت على الله ورحت المدينه المنوره وكانت فيني اوجاع بس هالاوجاع ماتيني الا المغرب وكنت احلم احلام مزعجه وخبرت ريلي ..نزل ريلي عند الشيخ وقاله باوجاعي قاله حرمت فيها عين واقرالها في ماي زمزم واذا كان الجنين فيه خير وصلاح بيثبت واذا غير جذي ربي ينظر لامرها ..والله يبات شربت منه شوي والاوجاع تزيد عندي وتحملتها لين الفير (بلاد ماعرف فيها شي ولاعرف حتى المستشفيات والله الغربه صعبه الحمدالله ربي سهل اموري )المهم انا وزوجي من مستشفى لين مستشفى والحمدالله طحت على مستشفى احسن عن مستشفى توام بوايد ..دخلت الطواري ونا ماحد عندي غير ربي حتى ريلي منعوه من الدخول المهم كشفت على الدكتوره وحصلت نفسي فاتحه على الاخير والجنين متعلق لا الكيس نول ولا هو(والله قلبي عورني انا متمسكه فيه وهو متمسك فيني)قالتلي يالله لازم عملية تنظيف الرحم والحمدالله سويتها (حزنت بس حمدت ربي انه نزل في المدينه المنوره) ان شاء الله يكون شفيع لي..
المهم هل العمليه لها مخاطر..ومن سوت عملية تنظيف وحملت وراها وربي ثبت جنينها..
دخيلكم بنات طمنوني..وادعولي بالحمل السليم..
وانا انصحكم لاتفحصون من تحت وانتوا حمل..انتظرو لين 3 شهور..
والله لعبوبي لعبه كل واحد يقولي كلام..
الحمدالله والشكر على كل شي..ربي هون عليه مصيبتي واخلفلي خيرا منها يارب العالمين..
وقدر الله ما شاء فعل إختي العزيزة ،،
والله يكتب لج حمل عما قريب يااااااااااا رب العالمين ،،
الحمدلله على سلامتج والله يعوضج إن شاء الله 
وعمرة مقبولة يا رب
وإن شاء الله باقي الخوات بيفيدنج بخصوص التنظيف لأني ما عندي خلفية حبيبتي ،،
والله الله بعمرج مرة ثانية ،،
الله يعوضج يا رب
ولا تزعلين هذا مكتوب من عند ربج يالغالية
اتعرفين
انا حملت 3 مرات، اتخسي وحدة من الدكاترة فحصتني تحت
مستحييل اخلي وحدة منهم تفحصني من البلاوي اللي اسمعها
احيانا اروح موعدي العادي تقولي الدكتورة يالله فحصـ اقوليها شو تقولين انا حامل والفحص بيوسع لي المنطقة وعقب يوم بيصير شئ لي ما بتنفعيني!!!!!!!!!!! اقبض الباب واطلع بدون شورها بعد ما اسوي لها سالفة
والحمد لله والشكر هذا انا يبت عيالي ورى بعض وبخير وسلامة وسهالة
الدكتورة الواثقة من شغلها بتعرف ان هالفحص يوسع الرحم وينزل الدم: لو ما يبي ينزل الا ينزلوه..
حسبي الله عليهم ان شاء الله
الله يعوضج يا رب ولالالالالالالالالالالالا تزعلين وكفاية انه طاح بالقرب من ربي وربج
صدقتي والله الحمدالله على كل شي ..ومشكوره حبيبتي على الرد الطيب والله يسلمج من كل شر فديتج..الله يتقبل منا ومنج صالح الاعمال ان اشاء الله..
وتسلمين على الاهتمام..
لها السبب أنا فحملي هذا ما رحت المستشفى إلا وانا فالسابع…
خفت من لعبهم..
احمدي ربج الغالية ،، وانشااء الله الله بيعوضج خير..
بالنسبة للتنظيف ماعندي علم والله والحمدلله ما سويته،،
بس انشااء الله تحملين قريب..
عادي الغلا
انا سقطت بو شهرين ونص
وسويت تنظيف الحمدالله
الشهر الي عقب التنظيف الحمدالله حملت
ويبت بنوته الله يحفضها
التنظيف مايخصه في الحمل
واحتسبي الأجر من الله سبحانه وتعالى