اللي ساافررررت الكويت تدخل تفيدنـــــــــــا !! 2024.

من أحلى الأماكن اللي زرتا^___^ من خاطريه اقول

شوفي اختيه ,, طبعاً منطقة السالمية هيه المنطقة الحيوية عندم وفيها كل شي ,, وطبعاً المراكز اشكثرااا ف الكويت ومن احلى المراكز ,, عندج المارينا (ويا حلاااة مرسى المارينا شي خيالي والله) طبعاً المارينا موجود على شارع الخليج ,, وعندج سوق شرق بعد واايد حلو هالمركز ,, وعندج الأفينيوز مركز عووود وفيه مطاعم وايد حلوه ,, وعندج الفنار والمهلب ووااايد مراكز بعد ,, بس هالمراكز اللي لحقت أسيرلا ,, وفيييها كلللل شي وكل محلات الماركات المطلوبة والمشهورة

الكويت معروووفه بالمطااعم ,, يميييع المطاعم عندم ,, ومن كثرم تحتاارين وين تسيرين ,, بس المطاعم المشهورة اللي زرتا ,, ميس الغانم (من أحلى المطاعم وموجود على شارع الخليج وحلوو وفنااان وتقريباً نص المسلسلات يصورون عندم لوولز) وسرت برج الحمام (طبعاً غني عن التعريف ) وسرق فريج صويلج ( هذاااا حرام تسيرين الكويت وما تزورينه ,, لاااازم تسيريله مطعم تراثي وأجوائه رووووعه وخبااال وانا مرتين سرتله) ,, وسرت مطعم أبراج الكويت اللي موجود ف الأبراج طبعاً انتي لازم بتزورين الأبراج وشي مطعم حلو فيه والمكان من فوووق روووعه تشوفين الكويت بكبرا^_____^

ومن الأماكن اللي أنصحج تسيريلا سوق المباركية واااااايد حلو هالمكان تراثي وفنان ويذكرج بأيام قبل وأجزائه حلوه وفيه يميييع المحلات ويبيعون خراوشين عجيييبه من كللللل شي تتخيلينه حق الحريم والريايييل تقريباً يبييعون كلللل شي ^___^وايد عبرت صح

وطبعاً عندج سووق الجلالييب ,, اسمه العربيد ,, فيه جلاليب كويتيه

الصراحه الشوبينج هناااك شي حلوو ,, اغراضم روووعه والصراحه احلى عن اللي عندنا بوايد حتى لو كانت نفس المحلات ,, بضاعتم وااايد حلوه ,, واسعارم مثلنا تقريباً بس اذا المحلات مب معروفه وعاديه بتكون رخيصه ,,

طبعاً مثل ما قالت الاخت الدينار الكويتي ما بين ال12 وال13 عندنا ,, على حسب السوق ^^

الجو ف الكويت شراتنا حر ورطوبة^^وحلاااتا ف الشتا ,, بس مادري اذا بتسيريلا الحينه شقايل الجو هالشهر عندم

وهيييك