المالجات والمعرسات ريتكم تفيدوني كيف طبيعة العلاقة تكون بين الزوج وزوجته خلال فترة الملجة يعني شو اقصى حد للمسموع والممنوع وشقايل تتعاملن ما رياييلكم
تطلعون معاهم
بس تلفون
ولا ماشي اي شي
خبروني بتفاصيل اكثر احس اني متخربطة وملجتي عقب سبوعين فيدوني يزاكم الله خير
بس برفعلج الموضوع
والله يوفقج ولا تحاتين شي وخلج مرتاحة
ربي ويسر امورج ويسعدكم..
بيكون ريلج تطلعين معاه و ترمسينه بس حافظي ع نفسج …
والرمسة عااادي كنت ارمسة بس مب يدااام اخواااني استحي وما يرضون بعد ارمس يدااامهم
وما كنت ايلس وياه اذا اخواني يالسين
احكام صارمة في بيتنا ههههههه
اما يوم اخواني محد امي تخلينا نيلس مع بعض ونسولف ويتحرش بوالشباب ساعات سوالف حلوة وايام رووووعة
استغلي انوثتج في الفترة وولا تخلينة ياخذ فكرة مب حلوة عنج او يكرة الزواج بسبب اللسان الطويل والطلبات اللي ما تخلص ولا تنسين انن الرجل يمووووت في البنت الخجولة اللي تستحي ما يبى ريال ثاني مجابلنة
ههههههههههههاسمحيلي بس بغيت انصحج بما اني مجربة
ولا تخلين اللي حولج يدمرووون حياتج من خواااتج او ربيعاتج يعني اطلبي وسوي وليلة في العمر ووووووووالخ لان وااايد مشاكل تستوي جذا وانتي حطي في بالج ان هو ريلج وحبية وان شاء الله الله يسعدج
ماشفته الا في النظره الشرعيه و في الملجه ع الكوشه وعقب الملجه مايلست معاه ممنوع بعد
ومابشوفه الا فالعرس لانه ممنوع عندنا الشوف
والتلفونات ممنوع
حتى هوه ماخذ ليه تلفون بس هلي ماطاعوا يستقبلونه منه
اممم ف اخترعنا طريقه انا وياه يطرشلي ورقه مع اخته وارد عليه بنفس الورقه والحمدلله وايد مرتاحه واحسها تجربه حلووه
هوه ع حسب اهلج اذا سمحولج رمسيه بس مانصحج بالطلعات الا اذا معاج حد واذا ماسمحولج احترمي رغبتهم وسوي اللي يشوفونه والف مبرووك والله يوفقكم