أنا وايد تعبانه من هاي العيشه مع هذا البيتوبخبركن شو المشكله
المشكله ابتدت من ايام انا عندي خمس خوات 2 أكبر عني 2 أصغر عني يعني انا الوسطى المهم خواتي اللي أكبر عني دوم مع بعض وماعندي معاهن أي مشكله والحمدالله بس المشكله في خواتي اللي أضغر عني واايد يحسسني انهن مايبني ايلس معاهن واني هب مرغوبه في اليلسه حتى يوم يزورنا بنات خالتيه يجرحني بالكلام وخاصه الصغيره انا شوسويت والله يابنات انا وااايد طيبه وع نياتي وتصدقن كرهت أطلع من حجرتي وكرهت البيت تعرفن الحين بدن خواتي الكبار مايعطني أهتمام مثل قبل يطلعن من دون مايقوللي أحس مالي معنى في هذا البيت يعني وجودي مثل عدمه…والله أني مرات ايلس في غرفتي يومين ماحد يسأل علي بتقوللي حاولي تيلسين وياهن تشاركينهن الكلام تعرفن والله حاولت بس مافي فايده تعرفن يوم ايلس معاهن في الميلس يسيرن يخاني ياارب ساعدني والله كرهت عمري وأمي واايد مع بناتها يعني بجذبني ومابتصدقني تعرفن انا وايد بديت أكره اختي الصغيره لأنها هي السبب في هذا
شو أسوي والله مرات أفكر أسوي شي في عمري تخيلي خواتج مايحبنج شو بتسوين والله مشكله ساعدوني:1 (30):
يمكن انتي تكونين حساسه وااااايد و تحسين بكل الأشياء الي تقولينها
و يمكن بعد فعلاً هم يعاملونج جيه ( وفي هاذي لازم تعرفين شو السبب .. و ليش هم يسوون جيه)
أنتي كلمي خواتج الكبار .. قوليلهم الي في خاطرج
حتى خواتج الصغار فهميهم انهم يظايقونج بالحركات هاذي و انكم خوات و مالكم غير بعض
الله يهديهم يارب و يجمعكم على الخير و المحبه و تكونون قلب واحد
و تعوذي من ابليس
ما حبيتها منج ( مرات افكر اسوي شي بعمري)
لا تخسرين آخرتج و دينج عشان بشر
و السالفه ما تستاهل كل هالتفكير انه تسوين شي بعمرج.. كل مشكله و لها حل
و الحمدلله أنتي احسن بوايد عن غيرج .. فيه اخوان ما يعرفون بيوت بعض و لا شو عندهم من العيال حتى
الله يهدي الجميع يارب
قومي توظي و اقري قرآن و ادعي رب العالمين ايحنن قلب خواتج عليج
الله يعينك يارب
ان اعرف وحده مرت في نفس التجربه
ولكن الله فرج عليها بس بعد فتره طويله مو كثير ولكن الحمدلله
اذا تبغين مساعده يالغاليه اكيد على الخاص
ولازعلين احنا هنا اهلك واخواتك وربيعتك وكل اللي تبين
ابشري ماراح انساك من دعواتي يالغلا
دمتي بوووووووووووود
انا بكل صراحه …كنت في البيت الكل يحبني…و السبب شقااااااااااوتي …لكن برع البيت ..الكل ما يعيرلي انتباه حتى صديقاتي فيي المدرسه …؟؟ ما كنت ادري ليش…لكني اكتشفت اخرتها انه الانسان الطيب يتحسبونه غبي ومحد يحب يصادقه ..عشان جيه صرت شريره ههههههههههههه…
فانا اقولج …ويعني نصيحتي لج… لا تزعلين …بييي يوم بيعروفن قيمج بتقوليل كيف …
بقولج خلي لج دوووووووووووووور في البيت ..مكان ما يقدر ايعبيه الا انتي…عرفتي…يعني خلي امج صديقج… ابوج على سبيل المثال…و الكل بيتقرب منج…. يوم العزيمه خليج الكل بالكل حطي شلي ..ساعدي امج في كل شي باختصار…
خليج انتي المحبوبه ..يوم بتي مناسبه ..حق امج او ابج…اهديهم هديه …يوم ايي عيد ميلاد اختج هاي اللي قاهرتنج ..سويلها عيد ميلاد واتفقي مع الباقيات وهيه ما تعرف..عرفتي …بيتنيلها انج انتي احسن عنها …و هذا يا بنت الحلال لازم يصير لانه سن مراهقه… عرفتي….
سويلج هوايه …اتكلمي مع صديقاتج…سويلج صديقات … يهتمن فيج وانتي تهتمين فيهن… (لكن انتبهني ما تخبرينهن اسرارج…ولا بتستوي بلاوي)
اتقربي من خواتج الكبار…باي شي …يعني بينيلهم خلاص انج كبرتي … و فاهمه كل المواضيع…
شاركيهم في المنتديات …مثلا قوليلها اختيه تعالي شوي اباج اجوفين شي…و بطلي الانترنت ..وقليلها اردي رايج في هالبس لانيه اباه اشتريه شو رايج…
او قوليلهن نبا انسير مع بعض شوبنق …و اعزميهن على ايسكريم …
خليييييييييييييييج فرفوشه مثليه انا … سوااااااااالف و ضحك…حتى لو ما في شي يضحك…. .(معنيه والله نسيت كيف السوالف من عرست و السبب الله يعلمبه )
حاولي اتشاركينهن هواياتهن و اتراوينهن شو سويتي في هواياتج…خليج مميزه … امبينهم كلهم لو اتغيبين عن البيت الكل يسال عنج….
اما انج تيلسين في الحجره …تراج غلطانه و الف مره غلطانه اتحطمين نفسج بنفسج…
المشاركة الأصلية كتبت بواسطة nono777 
مشاكل الاخوات شي طبيعي في جميع البيوت من حيث اختلاف الآراء وغيرها!
الله يهديكم ان شاء الله
انتي خلي تعاملج معها ممتاز مهما سوت هي حاولي ان اخلاقج تكون عاليه و مهما حصل يكون هناك الف علاج ولاتنسين الدعاء تراه اخطر سلاح …من كل النواحي وخاصه في اخر الليل
والله قال> ادعوني استجب لكم<
حـــــــــــــــــــاولي وخــــــــــــلي اليأس.