بنات نبغي الفزعه عندكن .. نبغي أحسن وأضمن الأماكن للقفطان المغربي في كل دوله
أنا من بوظبي وعاجبني شغل الحسناء بس ماحد مدحلي إياها يقولن تتأخر وااااايد وتخرب لقياسات
مع أن أسعارها رووووعه تقريبا من 750 إلى 1200 وفيها أشياء ع 2000 وشغلها بعد لا يعلى عليه ومع الغسيل مايقفط
إلي ضد هالكلام تقول وتفيدنا
وبعد يمدحون مراكش أسعارها أغلا عن الحسناء1800 و2000 وفوق بشوي ونفس الشغل تقريبا
بس الحلو فيها خلال شهر تخلص ولقياسات أوكيه
لاكن ماعندها قصات ولا تغير في حركاتها
فلورنس <– غاااااااااالي ماعرف على شووو ألي شفتهن علي 4500 و5000
أطلس والنفيس <– أسمع عنهن بس ماقد مريتهن
المهم المطلوب بس المغربيات في هالموضوع
أنواع المغربيات السفيفه والرنده والمسلول
نبغي الأسعار كتقريب
ومتى تخلص
ويخترب مع الغسيل أو لا <– لن بعضهن يقفط
نبغي ف بوظبي والعين ودبي
الله الله فينا لا تقصرن معانا
الغاليه أنا من 3 سنوات اسوي عند الحسنا الصراحه الموديلات كل سنه تتجدد بس لاااااااااااااازم من وقت يعني أقل شي 3 شهور بس شغل مرتب و إنتي عطيها قياس مضبوط
بس نصيحة القطع الساده لا تشترينهم قبل ما تشوفين الموديل عشان ما تتعبين على الألوان
وإذا تبين شي جاهز روحي لولو ستايل في شارع الدفاع ورا مخبز زهرة لبنان
والسموحة
إذا لج سيرة للقرية العالمية أنصحج تسيرين القرية المغربية عند أول محل على إيدج اليمين من البوابه الرئيسية أعتقد إسمه Saxo وصاحبة المحل إسمها لطيفة أنا خذت من عندها حق عرسي , بصراحه شغلها حلو وعندها قصات وحركات حلوه وغريبة ومميزه , هي إلي تصممهن وما عندها من الموديل الواحد إلا يمكن لونين أو ثلاثه, هي ماعندها محل في الإمارات بس دايما تيي زياره بين فترة والثانية, وبالنسبه لأسعارها واااايد معقوله, مثلا خذت من عندها جلابية قطعتين حرير وشيفون وعلى القطعتين شغل والحرير بعد عليه ورد بالتطريز من البطن لين تحت, ومن ورى ممكن ترفعين الشيفون من جهة وحدة وتربطينه عند الكتف مثل الستايل الروماني وااااااايد حلو وخواتي وااااايد عيبتهم الحركه إلي ورا وفيها ربطه من ورا تقدرين طربتينها على خصرج وتطلع كأنها مفصله لج وسعرها بس ب 1600 درهم !! وتاخذينه جاهز لا تتعبلين بالقطعة ولا تأخير التفصيل وإلا يضبط القياس وإلا ما يضبط !!! اللهم بس تقصرينها على طولج..
وخذت بعد من عندها جلابية فخمه عليها شغل المعلم وايد حلوه ولونها فوشي ساده ب 2500
وخذت وحده بعد قطعتها ميزعه ب 800
وثنتين خفاف كل وحده ب 300
أدري إني صدعتج ودورت راسج بس لأني كنت شراتج ما خليت مكان ما لفيته أدور شي مميز وسعره معقول ماحصلت وما صدقت لقيتها وخذت كل إلي أحتاجه من عندها وريحت راسي وخلاص شطبت الجلابيات المغربية من الليسته 
السموحه على الهذره
بس بعدنا نبغي زووود من الخبرات