الموتر والربع

هذه القصيدة من كلماتي وهي عن حب الشباب لسياراتهم حتى أكثر عن أنفسهم ولكن هنا تخذل السيارة صاحبها المجنون بحبها فلنتابع ماجرى:

عندي موتر مو عجيب لا ولا فيه الغرابة
هو حبيبي وآنا عمره صرنا أصحاب وقرابة
ماخذلني طول عمره أجدد غياره بذرابه (غياره يعني قطع الغياروالذرابه تعني الأدب )
ماي وآيل كم سقيته وأنعشه يجدد شبابه (آيل المقصود زيت السيارة )
والسفايف كم عطيته عايش بصحه ورحابه
وفي المغاسل بلسيته باليس ومخفي والكتابة ( الباليس يعني ملمع السيارة )
موتري مدلع ياعالم ظلته غيمة وسحابة ( الموتر تعني السيارة )
والراديتر مانسيته لا ولا فكري اجتنابه
والتواير مجددة ستة شهور بالحسابه
موتري ماخذ حقوقه وبالغ حله ونصابه
بس هالمرة خذلني وعقني فسيح وخرابة ( عقني تعني رماني )
التواير فشلني سكرن للحظ بابه
تايري بنجر عليه جنه يتغلى جنابه (التواير المقصود بها عجلات السيارةو بنجرأي فقد الهواء)
ليتني بروحي أبصبر بس ربعي في كآبه
عشنا في حر الصحاري وكلن يلوم فصحابه
ننتظر شخص يعاون أو يلقفنا المثابه ( المثابه تعني العون والمساعدة )
وفجأة والصاحب وصل يضحك بضحكة ذرابه
وده يرقص من شماته أو يغني ع الربابه ( الربابه نوع من أنواع الأدوات الموسيقية يستخدمها البدو)
بس ماقصر معانا ركب العامل ويابه ( يابه أي أحضر العامل لاصلاح العجلة)
تايري في الدبه يبكي وسبيره يلعن في مصابه ( الدبه بفتح الدال أي صندوق السيارة الخلفي وسبيره أي العجلة البديلة)
همس البحوور من ينقل لن يحلل خاص لمنتدى سيدات الامارات

هههههههههههههه
سلمتي الغلا وايد حلوو بس مب صدقه انتي مسويتنها ولا مساعدات من هني وهني

مافهمت قصدج إذا تقصدين من كاتبها أنا الكاتبة همس البحوور
جبيبتي أنا شاعرة بالوراثة الحمدالله من دون مساعدات كانت لي أمسيات جامعية كثيرة

انزين اللي يدخلون ومايعلقون هل عيازة مثلا
ترى آرائكم تهمنا بارك الله فيكم

الله الله علا قصيده صح لسانج ياهمس البحور

الى الامام دائما ربي يوفقج اختيه

كشخه ههههههههه

إلى الامام يا ام السوالف الحلوة

نتريا يديدج

صح ألساااانج ياهمس وبالفعل أسم على مسمى ..