بغيت اسأل منو فيكم متزوجة و تشتغل بس شغلها بعيييييييد وايد عن مكان اقامتها
و تضرب خط يوميا روحة و ردة مثلا بين الساعه و الساعه و نص
انا بنتقل مع ريلي لإماراته
بس مب عارفة كيف بضرب خط للدوام
المشكلة مرتاحة ف دوامي وما ابغي اغيره
و سبب ثاني مب رايمة اغير دوامي لان الرواتب شووية ف امارة ريلي
ما ادري والله صليت استخارة و ارتحت
بس مب عارفة اقول يمكن تعب عليه
ما ادري شو اسوي هل اجرب ف البداية ولا شو بالضبط ما عندي حل ثاني
ضحي بالفرق في الزيادة عشان راحة بالج
و صدقيني لو تحسبينها بالارقام يطلع الفرق ما يسوى خاصة انه اسعار البترول حدث ولا حرج
الله يعينج ، اذا الخطوط للرياييل هلاك كيف للحرمة !!
يوميا وعلى زحمة الصبح وردة الظهر فالتعب
وياينج رمضان عقب فتره
وتضربين خط ساعتين ساير راد
شي متتتعب جدا بصراحة !!
ما انصحج حبوبه انج اتمين على ها الشغل
بروحه خسر البترول وتعبج انتي روحج ياخذ ها الزياده الي فالراتب
انتقلي لأمارة ريلج ودوريلج هناك شغل احسنلج واريحلج
تردين لبيج ولريلج من وقت وتتفرغين اكثر !
اذا ما كنتي مقتنعه جربي بروحج
من اول شهر بتعافين الدوام وبتنتقلين صدقيني
انا مجربه سالفة الدرب هاي والعذاب ساعه وساعه ونص فالدرب
كل يوم بس عشان الدراسه مب عشان شغل
لكن خلاص توبة ومستحيل اكرر ها العذاب فـ وظيفه او شغل
بدور شي قريب مني . . مع انه ادري ان بعيد بحصل راتب اعلى بوايد وفوق الدبل بعد
بس راحتي وصحتي اهم عندي فالدنيا عن الفلوس والراتب
ربي يوفقج ويسهلج الي يرضيج
موفقه
ربي يوفقج اختي 
أنا كنت أدوام و دوامي مب وايد بعيد لكن على الزحمه كنت آخذها مال ساعه أو ساعه ونص و كنت أوصل البيت وأعصابي فوووووووووووول و كارهه عمري و مالي بارض حق ولدي فديته ولا حق ريلي … أحس عمري مضغوطه من الشغل والزحمه و شغل البيت و الطبخ و التنظيف و و ….
والله اني كنت أوصل عقب ريلي أكثر شي بسبه الزحمه و هالشي فعلا يوتر أعصابي اكثر ومب حلوه انه ريلي يوصل ويتم يتريا الغدا او اييب غدا من برع و و و ..
لو تحسبينها بتحسين انه فعلا ما يرزى فرق الراتب لانه بيروح ع البترول و مني ومناك ……..