الموظفات !! طفلك اين يكون!! وكيف يكون توزيع وقتك بعد العمل 2024.

سلااااااااااااااااااااااااااااااااام حبوووبات
اتمنى الكل يبدي رايه لو بكلمه فالموضوع

المتزوجه والموظفه في وقت واحد

اين يكون طفلك اثناء عملك!!!!!!!!!!!
برفقة من!!!!

وبعد عودتك من العمل

كيف توزعين وقتج بين زوجج واطفالك

يعني طوووووووووول اليوم من الظهر بس وفوووق لين موعد النوم شووووووووووو تسوين!!!

ببدا
بسم الله
طبعا ولدي يكون مع الخدامه من الصبح لين الظهر
ارد الظهر
اتسبح
العب ولدي لين يرد ريلي من الدوام ويتسبح ويبدل
يشوفه دقايق واودييه للشغاله يتم معاها تغديه
نتغدا مع بعض نسووولف تقريبا ساعه بعد الغدا بس نيبه عدنا نص الوقت( نحط ماسسكات كلنا الظهر )) :1 (39): :1 (19):

وعقب حان موعد النوم نرقد

وانش عالمغرب ونطلع نتمشى بس هو يتم فالبيت لانه صغير بعده

وارد انا بدري البيت تقريبا قبل العشر واتم مع ولدي لين 12 العبه ونشووف رسوووم متحركه وفيه قناة تعليميه للاطفال يديده فشوتايم نطالعها..
ومن يرقد غرفته عدال غرفتي وايد قريبه

اسير اتسبح وابدل والبس هالوقت يكون ريلي فخييمته برا
واقعد اشووف تلفزيون او اقرا مجله لين يدش:22 (20):
نقعد لين الساعه 2 او 3 وننام

عزيزاتي انا عندي 3 عيال الله يحفظهم من كل شر
برنامجي اليومي انش الساعه 4.45 الفجر اصلي ارد انا مره ثانيه (متفيجه) انش مره ثانيه الساعه 6.30 اوعي اليهال البسهم وافطرهم في هالوقت الخدامه اتجهز اكلهم للحضانه يوصل باصهم الساعه 7.15 ،تنزل وياهم الخدامه.
في هالوقت ايلس مع بنتي الصغيره ،لين ما تطلع الخدامه للشقه ، البس ثيابي ،واتجهز للدوام اذا ريلي موجود في البيت يوصلني للدوام اذا مب موجود اروح بتاكسي.
ارد البيت عالعصر اذا زوجي موجود اتغدى وياه لان اليهال متغدين من زمان،بعد الغدا زوجي ينام للمغزب انا ساعات انا وساعات لا.
اذا ما نمت ايلس اعلم اليهال شوي لمده نص ساعه ساعه،عالمغرب اوعي ريلي من النوم ، يصلي المغرب ويطلع يتمرن، يرد عالساعه 9.30 اكون عشيت اليهال ولبستهم ونومتهم بعد (يا حليلي).
عاد اتفيج لبو الاعيال
بعدها انام عالساعه 12 تقريبا بعد ما نتعشى انا وحبي.

بسم الله انا عن نفسي انش الساعه 4:50اصلي واسوي الحليب حق ولدي واوديه عند امي لاني ساكنه عندهم في ملحق خاص بي ، بعدها اطلع الساعه 5 ونص لاني اداوم في دبي ، ارجع البيت الساعه 3 و ربع وعلى طول ركض عند ولدي العبه لين صلاه العصر اصلي واوديه عند الخدامه وتكون جدام امي او عند خواتي وارقد لين المغرب ، من انش وهو وياي واذا طلعت زياره هو وياي اما اذا طلعنا نتمشى او نتسوق يتم في البيت ، والساعه 12 ارقده وايلس ويا حبيبي لين 1 ونرقد

وهاي حالتنا والله يعين

انا عندي مشكله ولدي يرد من المدرسه الساعه وحده وانا دوامي يخلص الساعه 3 فاضطر اخلى الخدامه تنزل تاخده من الباص وطبعا بخليلها مفتاح البيت علشان تعرف تدخل وهالشيء موسوسنى لاني ياما شفت من الخدامات انتو شو تسوون

اسمحولي أشارك في الموضوع أنا حاليا ما أشتغل بس كنت أشتغل لكن أقولكن راي حرام والله الياهل يتم ويا البشكارة ترا هذيل سم يعني ايسد الفترة اللي أنتي مشغولة عنه في الدوم المفروض على كل أم من توصل اليهال أبدا ماتمسكهم البشكارة لازم يتغدا وياج مب البشكارة تأكله يطلع وياج يحس بالحنان وياج ويا أبوه ترا ياناس الجيل الحين اللي يطلع من تحت أيد البشكارات جيل ما يعلم فيه الا رب العالمين مسكين مطعطش للحنان للحب والله أني أشتغلت ولا في حياتي مسكت البشكارة عيالي من يو اعيالي قررت أنا أربهم وأستقلت والله ثم والله مهما كانت البشكارة حنونة وطيبة ترا هذا جدامج شوفواأصلا هم ما يحنون على عيالهم كيف بحنون على عيالكم والله أن بلاوي تظهر من تحت البشاكير شي يظهر وشي مستور والضحية العيال سواءا الحين أو في المستقبل نصيحتي العيال مب من يابهم لكن من رباهم لا تقولون نلعب معاهم ما يكفي الطفل وأنا أقر الكلام هذا زعلت من الخاطر يعني الزوج أهم من الولد لا تزعلون مني مجرد رأي

انا بصراحة امن واايد فيها مالتي وعندي من اول شهر عرس وهيه باسم زوجي ومربيه عياله قبل مااياخذني
وكانت باسمه بس عطاها ناس( ضاربتنها حرمته)
اول مااخذاني قالي لازم هااي كبيره ومربيه عيالي وبترتاحيلها
اقووولكم ماالمس شيء فالبيت من ارد من الدوااام
تحبه وااايد وتلعبه ومعلمتنه يسوي الله اكبر ومعلمتنه يقول كلمات وتقول هات جيه وسو جيه وماشاءالله مع انني ماقعد معاه وايد
اصرار زوجي طلع فمحله ووايد حنوونه ولو ينش يصيح الفجر تقولي نامي بمسكه انتي عندج دوااام
ارد البيت القاها مسبحتنه وملبستنه وشبعان حمدالله

وحمدالله اعااملها مب كانها خدامه اعطييها الي تباه ودووم اعطييها غير راتبها ووايد تفرح واتم تدعيلي

والله انا اخليه عند ام زوجي والحمدلله حاطه له خدامه تساعدها