الموظفات والمتزوجات يدخلن 2024.

السلام عليكم و رحمة الله وبركاته

بنات انا عندي بيبي و تجادلت مع ريلي ايب لي خدامة يقول ايبها من بيزاتي انتي تحتاجينها انا ما احتاجها وانا ساكنه بشقه ما الحق اسوي شي اخاف ايب ببيزاتها و عقب بيتعود يقول بيبني البيت و يكمل دراسته و عليه التزامات لو كنتي مكاني بتكفلين و اذا لا كيف تقنعينه مليت من اسلوبه

مفروض اهو ايب الخدامه و2 شي بتقكرين تخلين البيبي عندها حتى لو مامنه عليها

دام انج في شقة ما تحتاجينها
ودي البيبي عند أمج او اي حد من اهلج

اختي اذا اداومين خذي البيبي الحضانه ولا تتركينه عند الخدم الله يعلم شو بتسوي فيهعندج ياهل رتبي وقتج اختي عندها اثنين ربي يحفظهم واداوم للعصر بس ترتب وقتها وتهتم بعيالها

لا تيبين شغالة دام بيتج شقة .. بتنعدم الخصوصية من حياتج و بتعيشين و كانه برج مراقبة عليج …
نظمي وقتج و ان شا الله بتلحقين

انا انصحج تييبين خدامه . .
كل وحده فينا بتقولج لاتييبين ولاتييبين وهي عندها خدامتين ولا 3
هاتيلج خدامه بس لاتعتمدين عليها في كل شي
بس تساعدج في امور البيت ، وبنتج حطيها في الحضانه

عسى ربي يوفقج ياختيه

وعليكم السلام ورحمة الله وبركاته

الصراحة أنا ما أفضل وجود خادمة في المنزل
الحرمة مكانها بيتها .. و أما الياهل ما ينحط عند الخدامة
ما تعرفين تغسل أدواته عدل أم لا أحس ظلم للياهل
أمهاتنا ما تركونا عند الخدم فليش نترك عيالنا عند الخدم
و لا تعودين ريلج أنج تدفعبن مصاريف البيت

لأنج في النهاية بتتلعوزين
الله يوفقج