السلام عليكم .. امهات أنا وايد خائفه على بنتي لان اليافوخ نازل والبنت عمرها الحين سبع شهور ونهائيا ما تأكل وكله تحن وتون وما ترقد عدل ستين مره تنش فليل ..أنا أخاف أوديها عند حرمه ترفعلها العظيم لانه يعور وايد لو في حل ثاني مجرب ياليت تفيدوني
عليكم السلام
بسم الله عليها فديتها
وديها المستشفى أحسن
بسم الله عليها فديتها
وديها المستشفى أحسن
الحين فهمت ماكنت أعرف انه ب هالمسمى ..
بس وديها العيادة عسب تطمنين ..
بس وديها العيادة عسب تطمنين ..
عندج الدكتور احمد حسن-دكتوراة طب الأطفال ( مركز بن حياة الجديد الطبي ) 0426222220 مابتندمين ان شاءالله … وتستاهلين سلامة الصغنونة .
عزيزتي ماخص اليافوخ بالعظيمات.
انا عمتي علمتني جزأها الله خير عن العظيمات. تكون ورا الاذن تقريبا مكان اللوز من ورا الرأس. ممكن ترفعينهم اروحج من غير الحركه الثانية الخطيرة. اللي يدخلون أصابعهم داخل الحلق.
فتحي كف أيدج ورا رأسه بتحسين كورتين مسحي عليهن بالخفيف من تحت لفوق كل ما يخطر عبالج وبخوزن.
اما اليافوخ مايخصه بالعظيمات. أبدا أبدا.
انا ولدي كان نازل ويبين النبض فيه بشكل خفيف ويوم وديته طبيب أطفال للتطعيم تخبرته وشيك عليه وقال أوكيه ما فيه شي. بتأكدي من الدكتور.
اهم شي لحد يتعبث برأسه ويقولج والله عظيمات وآخر شي يعوقه لا سمح الله.
وصياحه بالليل يمكن غازات. او بروده. او دلع يبا يرقد وياج اذا متعود. او جوعان. تراهم في هالسن محتاجين تغذيه اكثر من قبل بسبت نشاطهم اللي بدا يختلف عن يوم كانوا جهال. وأكيد انتي مبالغه يوم قلتي ستين مره. لانه مستحيل.
الجاهل اذا تعبان بشل الدنيا بصياحه وبيرقد عقب تعب وبرد ينش. ماتوصل العشرين. خخخخخ
انا عمتي علمتني جزأها الله خير عن العظيمات. تكون ورا الاذن تقريبا مكان اللوز من ورا الرأس. ممكن ترفعينهم اروحج من غير الحركه الثانية الخطيرة. اللي يدخلون أصابعهم داخل الحلق.
فتحي كف أيدج ورا رأسه بتحسين كورتين مسحي عليهن بالخفيف من تحت لفوق كل ما يخطر عبالج وبخوزن.
اما اليافوخ مايخصه بالعظيمات. أبدا أبدا.
انا ولدي كان نازل ويبين النبض فيه بشكل خفيف ويوم وديته طبيب أطفال للتطعيم تخبرته وشيك عليه وقال أوكيه ما فيه شي. بتأكدي من الدكتور.
اهم شي لحد يتعبث برأسه ويقولج والله عظيمات وآخر شي يعوقه لا سمح الله.
وصياحه بالليل يمكن غازات. او بروده. او دلع يبا يرقد وياج اذا متعود. او جوعان. تراهم في هالسن محتاجين تغذيه اكثر من قبل بسبت نشاطهم اللي بدا يختلف عن يوم كانوا جهال. وأكيد انتي مبالغه يوم قلتي ستين مره. لانه مستحيل.
الجاهل اذا تعبان بشل الدنيا بصياحه وبيرقد عقب تعب وبرد ينش. ماتوصل العشرين. خخخخخ
أختي سلامة بنتج , وديها لدكتورة أطفال , أحد أسباب نزول اليافوخ هو الجفاف الشديد عن الرضع , وفيه أسباب ثانية , يمكن يكون طبيعي , بس لازم توديها للدكتور بسرعة وما تهمليها ولا تخلي حد يلعب بهذه المنطقة من الرأس , تراها خطيرة وحساسة . ربي يطمنج عليها .
مشكورات خواتي ربي يحفظكن وان شاء الله يا دلوعة عيالي بتواصل مع هذا الدكتور وبوديها وغدران حبيبتي مشكوره عالافاده ظحكتيني والله أكيد أبالغ طبعا مب ستين مره بس اقصد وايد يعني تنش ما تكمل ساعتين على بعظهم وعقبها في الساعه مرتين او ثلاث احيانا يجلطني رقادها (يمكن من الحساسيه لان كله تحج )