لازم تجربوووووها كتير بتعجبكن ويلي بتحب انا بساويلها ياها
قلتلكن بالموضوع السابق إنو عنا طريقتين للمحشي وحدة بلحمة والرز
وهلأ التانية بالخضار والرز
بقدونس _بصل أخضر_نعنع_بصلة يابسة_بندورة_أرز
نقطع الخضار كلها لازم كمية البقدونس تكون أكتر شي والبندورة كميتها تكون متوسطة والنعنع أقل شي
ننقع الرز
نحضر طنجرة نضع فيها زيت زيتون حصرا نقلب البصلة اليابسة فيه حتى يزهر لونها ثم نضيف فوقها الرز المنقوع ونقلبه تقليبتين
بعدين نرفعهم عن النار ونضيف فوقهم باقي الخضار
ونضع فوقهم البهارات وهي عبارة عن_ملح عصير ليمون حسب الرغبة بس لاتكترو لإنو وقت نطبخها رح نحط بالمرقة ليمون_فلفل_بهارات مشكلة حلوة_حار حسب الرغبة _ويلي بتحب فيها تضيف دبس رمان
ملاحظة لازم تكون كمية الخضار أكتر من الرز لإنو الخضار بتذوب بورقة العنب أما الرز بينفش
نحن ياحلوين مامنحط صلصة بهي الطبخة أبدا ولا ماجي ولاثوم
هي على أصولها السورية
بعدين منبلش نلف ورق العنب
بكعب الطنجرة تحت ورق العنب نضع شرائح البندورة وفوقها شرائح البطاطا
نضع ورق العنب في الطنجرة بشكل دائري
طريقة الطهو:نضع كوب ونصف ماء _نعصر ليمون وملح حسب الرغبة _ونضع زيت زيتووون وبالهنا والعافية
إن شاءالله تجربوها وتعجبكن
ملاحظة فينا نساوي ورق عنب باللحمة بنفس هي الطريق يعني مو بطريقة الصلصة بس نضع تحت ورق العنب شرائح اللحمة أو أفخاذ الدجاج
وصحتين
انا تقريبا اسوي شرات هالطريقه
روووووووعه الاكله
تسلم ايدج ^_^
المشاركة الأصلية كتبت بواسطة ام الغاوي 
انا تقريبا اسوي شرات هالطريقه
الله يسلمك مشكورة حبيبتي