اسمحوا لي بقلدكم..
بعرض مشترياتي من القرية العالمية…
وأتمنى تستفيدون.. وتعجبكم الأغراض….
رحنا يوم الأربعاء…
الحمد لله أبدا ماكان زحمة..
لأني قبل كنت رايحة يوم الجمعة ولااااااعت جبدي من الزحمة..
وصلنا الساعة 8…
دخلنا من البوابة اللي صوب باركنات الـ VIP..نسيبي شاري ستيكر،، قلنا خل نستفيد منه..بس .ماأعرف رقمها
..
على طول في ويهنا القرية الإيرانية..
كان في خاطري أشتري منهم البفك.. بس ريلي قالي خليه واخنا طالعين..
عقبها القرية الباكستانية…
شفت محل يبيع جدور الطبخ ع البخار والشوي.. وكنت باخذهم بس نفس الموال..
خليهم ونحن طالعين لأنهم ثقال!!!
ياليت اللي خذت منهم تخبرنا منهم فايدة والا لا…
قلت بنروح القرية الصينية..
again.. واحنا طالعين..
لأن ها القرى كلها قريبة من البوابة…
أكيد تقولون في خاطركم شكلها هذي مب شاريه شي….
وصلنا للمشتريات……
خذت من القرية البكستانية قطعه مع الشيله..(65 درهم)
شفت محلين عندهم منها…
القرية اليمنية…
من اليمين لليسار…
**بزار للمندي (جربته،، وايد حلو،) أعتقد الكيلو بـ 30
**بزار للسمك (بعدني ما جربته)،، ماأذكر سعره..
**ورد "بيبي روز" (بصراحة شفته في موضوع الأخت Vintage Box قلت خل أجربه…حطيت منه 3 حبات في الدلة.. عطى الشاي نكهه رهييييييبة)،، الكيس الصغير بـ 10 دراهم..
**وأخيرا بهارات مشكله للكبسه..(جربتها للمندي، حلوة)،، ماأذكر سعره
القرية الإماراتية..
من محل ريانة العود خذت…….
مخلط الحجر الأسود…سعره 150،، ونزلته لي لين 130
أخاف أظلمه بأي تعليق…
أكثر من رهيييييب….
القرية السعودية….
محل مكياج….ما أعرف اسم المحل بالضبط..
بس هذا اللي كان مكتوب عليه…
خذت روجات…
تختارين الألوان وتحطهم في علبة حسب العدد..اللون بـ 30 درهم..
وايد حلوة ألوانهم…
ومن عند وحدة مصرية خذت كحل سمايلنج..
قالت لي الواحد بـ 30…أونه اللي عندها هي بس أصلي!!
وبعد المكاسر خذت الاثنين بـ 35..
القرية المصرية….
بيجامات لولدي،،… بـ 20 و 25…
وفي بيجامة وايد عجبتني.. ظاعت مني..أو نسيتها مكان…
قرية شرق آسيا..
كانت معظم المحلات مسكرة…
خذت:
10 دراهم..
بس بعدني ما جربته….
القرية القطرية…
خذت أجار من عند حرمة شكلها قطرية..
حلووو…. بس فيه وايد ثوم…
ما صورته…
القرية الفلسطينية…
خذنا كالعادة من خلطات أم حمزة..
بس اللي عجبني ها المر عندها الزيتون…
من القرية التايلاندية..
خذت لبس شرات الثوب…
عبارة عن تور…. ومطرز.. في ألوان مختلفة…
يباله أفصل له شي تحته…
بس ما صورته …
(ليييييييش؟؟؟؟؟؟) هني عاد طلعت نذالة الحريم…
لزوم التميز لوووووووول
واحنا طالعين مرينا القرية الصينية… كانت مسكرة….
مرينا الباكستانية……كانت مسكرة….
مرينا الإيرانية…….كانت مسكرة….
جان أزعل…
والبوز شبر……
عشان جي.. لي عودة ان شاء الله
والبوز شبر……
ههههههههه اتخيل الشبر
يلا ما عليه ان شاء تعوضينها
المشاركة الأصلية كتبت بواسطة أم_عبدالله 
والبوز شبر……
ههههههههه اتخيل الشبر
يلا ما عليه ان شاء تعوضينها
هلا فديتج…
يشرفني تكونين أول وحدة ترد على موضوعي…
لوووووول… الله لا يراويج البوز…
حتي نسيبي يقول الله يعينا شكله البوز بيتم لين ما نوصل بوظبي
وان شاء الله أعوضها…
المشاركة الأصلية كتبت بواسطة اليامي مريامي الله يسلمج غناتي…
القرية الباكستانية فيها أشكال وألوان وااايد…
مشكوووورة على الرد…
يوم رحت القريه كان كل شي مفتوووح بس لاسف اهي اهي اهي ثلاث ارباع المحلات مسكره
كان رابع يوم من فتحو القريه
والله اني انقهرت وقلت مابسير خلاص
اتعايز لانها كبيره ..
الله يهنيج الغلا بالللي اشترتيه
،، عاد انا اتعايز احط مشترياتي كم بصور ههههه ، ان شاء الله هالاسبوع بنسير مره ثانيه عجبتني القطعه شكلي باخذ شراتها ، بنطقم شورايج *_^