امهاااات ساعدوني والله بموت من الخوف 2024.

السلام عليكم خواتي ولدي عمره 11 شهر واليوم وانا اطعميه خبط راسه بس عادي يعني خفيف المشكله انه بكا ولما يبكي ابني مع البكا يوقف نفسه ويرجع بس اليوم بكى ووقف نفسه وصار وجهه ازرق وتشنج ايدينه وكله صار ازرق والله لولا ستر الله ثوالني وكان راح فيها انا مادري شو اسوي اول ولد وما عندي خبره وانا لوحدي ما اقدر اطلع من البيت واخذه الدكتور لاني بمنطقة بعيده الحين هو ما في شي الحمدالله ولا كانه صار شي بس انا خايفه يرجع يبكي ويصير نفس الشي حد صار معه نفس وكيف تصرفت والله ما ادري شو اعمل ساعدوني والله بموت من الخوف وقلت مالي غيركن؟

ماعليه شر ان شاءالله بس لازم توديه المستشفى تتطمنين عليه باقرب وقت ..

اكيد باخذه بس انا الحين ما اقدر اطلع والمشكله انو زوجي يي باجر

الغاليه هاى نسميهاا الطفل يفحم يعنى يوم يبكى ما يتنفس

المهم انج يوم يصير له كذا احطى ايدج على فمه وخشمه

سكريهاا ثوانى وارجعى شلى يدج بسرعه

واغسلى وجهه بماى باارد

وربي يحفظه لج

أختي الصغيره كانت اتصيح وتتشنج بس كبرت راح هالشي بس من شو ماعرف

لا تخافين فديتج
تذكريني باخوي يوم كان صغير والحينه بنت اختي يوم يطيحون ويتعورون يصيحون عقب يزرق ويههم ويينقطع نفسهم ثواني ويردون لطبيعتهم وااااااايد يهال تييهم هالحاله لا تزيغين فديتج

اهم شي يوم تييه هالحاله تضبطين اعصابج احيد اخوي كنت اصااااااااارخ يوم اشوفهم جيه ازرق وعيونه تطلع لبرع ويغمى عليه ثواني ويرد

ماعليه شر فديتج بس الافضل تودينه الدكتور

ايه صح هذا الي صار معاي مشكوره اختي بس خايفه يرجع نفس الشي معاه يعني اذا سويتله جي يرجع نفسه