امهات الخدج النزيف ! 2024.

السلام عليكم
اخواتي أنا والده في الأسبوع ال 28 و رزقني الله بولد و بعد ما جلس اسبوع بالحضانه صار عنده نزيف في المخ الدرجة الرابعة و الدكاترة كلامهم ما يطمن .. حابه اسأل احد صار معاه هالشي و تعافى ؟
طمنوني الله يريح بالكم

الله يشفيه ويعافيه باذن الرحمان الله يعينج أختي .

الله يطمنج عليه أختي , في هذه المرحلة تكون عندهم مشاكل كثيرة, ولكن ربج كريم أختي , لو الله كاتب له له عمر بيعيش بإذن الله , وتأثير النزيف يختلف على حسب الحالة . أختي اللي تقدري تسويه أنج تدعي له , وتشفطي حليبج وتحفظيه له , مهم جداً لأنه مناعته معدومة وحليبج بإذن الله بيرفع له مناعته. شفت حالات كثيرة كنا نقول هذا الخديج ما بيعيش من كثر ما عنده مشاكل صحية خطيرة , ,ومن كثر ما يمر فيها من حالات خطيرة وتدهر حالة , بس الحمدلله ربي كتب لهم عمر وعاشوا ’, وفي منهم ما شاء الله طبيعين جداً بدون أي مشاكل , والبعض عندهم مشاكل . أسمحيني أتكلم معاج بصراحة . ربي يطمنج عليه .

الغالية :- أنا بنتي يبتها في نفس فترة ولادتج بولدج الله يعافيه. وألحين هي الحمدلله في صف أول بس أختي عليج بالدعاء وكثرة الإستغفار ، ولا تنسين حليب صدرج أهم شي ، واسألي الدكاترة إذا في مجال يطلعونه من الحضانة وأنت تكونين لابسه لبس ينفتح من جدام وتحطين البيبي قريب من صدرج وترمسينه وتحسسينه بحبج هذا اللي كنت أسويه واللهم لك الحمد والشكر صح تعبت لمدة شهرين معاها في المستشفى وعقب ما طلعوها تميت ثلاث شهور معاها في غرفتي ما أطلعها ولا أطلع عنها إلا للضرورة القصوى هي ألحين حلوة وتنفعني

ما شاء الله , الله يبارك فيها أختي ويخليها لج , وبإذن الله تأجري على كل التعب اللي مريتي به في تلك الفترة الصعبة.

الله يطمن قلبج عليه ويعافيه.

الحياة *امل .. وجدان الفجر .. الكازوة .. مالتيزرس
مشكورين خواتي على ردودكم ..
الكازوة الله يحفظلج بنتج و يخليها لج و انشالله تشوفينها عروس في خير وعافيه حبيبتي هي كان عندها نزيف ؟