ما ادري سمعتوا عنه ولا
هذا المركز بصراحة المدرسات الى يدرسون فيه وايد اوكي بس خسارة السكرتيرة اللي محطينها
فالبداية يوم سجلت كل الكلام الحلو قالته والتجردين ببيزة
قالت انه عندهم دورة مكثفة اسبوعين 14 يوم ب 500
عاد احنا لانه مسافرين واليهال ملانين قلنا ندخلهم لين يوم السفر يعني بعد اسبوعين
سجلناهم ودفعنا البيزات
واول يوم الا تقول حق الصغارية ليش امكم ما دفعت
وقامت تتصل علينا وتقول وين فلوس الكتب
والدورة 3 اسابيع مش اسبوعين
وازفت كلام سمعت من لبنانية بصراحة احيد اللبنانين كلامهم حلو
لدرجة انني ما بغيت ارد عليها عشان ما تغلط علي زيادة وعشان ما اوصل نفس لمستواها
قلت الها انت ما قلت عن الكتب واحنا نتفقين اسبوعين
قالت الابلة ما تمرض
وليش عم تكزبي انا قلت لج عن الكتب يا كزابة ويا كزابة
وانتو اهل ما تستاهلوا حد يدرس اولادكو
هاذا المعهد محترم مش حق ناس حيال الله
اللي باط جبدها اني كنت اقول خير ان شاء الله
وقالت وين يجي الخير من وجوهكو
كلمنا مسؤول المعهد وقال خليها تولي الرسوم بس 500 وانا عندي الموضوع المهم ردت تتصل وهات الكلام الحلو وكلك زوق وكللك زوق
واخر يوم الدراسة يلست تتمصخر علي العيال
وتقول هادول فري
واتصلت وقالت تضربي انت وياهم
ما ادري ها كيف تصلح تكون في معهد
خاصة وانه تدريسهم حلو
هاذي تجربتي معاهم وسامحوني على الاطالة
انزين ليش ما تشتكين لمدير المعهد
و روحتلها المركز و شرشحتها هناك انا ام عيال جي اتقولي .. شو تتحرا نفسها ..
و الله قهر لبنانيه جي اتقولي ..
مشكورين والله على الرد
المشكلة اني ادوام فبوظبي وبنتي عندي حميتي مصيفه هناك
اصلا انا كان وودي اشرشحها بس كفايه اللي قالتلي اياه
ما في رد على كلامها الا
ما ابا اوصل لمستواها
بعدين كلمت المدير مرتين واستحي منه
واليوم وعدني خير ؟؟؟؟؟