امممم .. اشحالكم بنات ؟
الصراحه هاي اول مرة اشارك بهالمنتدى وانا مو من طبعي اشارك وااايد بالمنتديات بس اقرا وادور عن حد يعاني شراتي <<
المهم ما بطول عليييييكم وبدخل ف صلب الموضوع
الله يطوول ف اعمااركم انا هالسنه ثاانويه عامه و من بداية السنه او بالاصح من الصيف نسمع الجملة المألوووفة (( هاي اخر ســــــنه وها مصيييركم … وشدوا حيلكم .. وارفعو رااسنا وهالسنه ما بتتعوض ….الخ )) وعن نفسي تريييت هالسنه عسب اطلع اللي عندي.. الصراحه السنواااات الي طافت ما اخبي عليييكم كنت اذاكر واشد حيلي بس مب اني اسهر واتعب نفسي واااايد بالذات فترة الامتحانات كل سنه اصيييير مهملة ليش ما ادري بعكس ربعي طبعا !!!
المهم كنت اييب 95 وفوووق
اما هالسنه قلت لازم اشد حيلي عسب ما اندم طووول حياتي وبالتقويم الحمد لله درجاتي كانت حلوة وفي اكثر من مادة يبت فيها 100 والباقي بالتسعييين
وتعالو الحيييين ع الامتحانات ااااخ
والله ما ادري ليش جي يصير فيني اطلع من الامتحان وطبعا ما احب اراجع مع حد عسب ما انصدم بس واااايد انقهر من نفسي تعرفووون ليش !!
لاني اجوف ربعي وحدة اطلع كتاب التماارين والثانيه امتحان مادري من كم سنه والثالثة ورقة عمل
اما انا هالله هالله اخلص الكتاااب وتبوووون الصراحة في اكثر من امتحااان سرت وما خلصت الكتااااب !! لا تنصدمووون
معني حاولت اخلص من كل الكتاب وحدة ف الاجازة اللي عطونا اياها قبل امتحانات يعني مثلا الاحياء ذاكرت اخر وحدتين في الاجااازة وخليت الوحدة الاولى ليووم الامتحااان
وييت يوم الامتحاااان بديييتها من الظهر وخلصتها الليل وعقب ذاكرت الوحدة الاخيرة طبعا قرايه لاني حسيييت الوقت ما بيكفيني اما الوحدة الثانية …لا تعلييق افهموها صح اني دارستنها قبل بس بعد يباالها
ونفس الشي في الجيولوجيا
واستغرب من البنات اللي اييون واسالهم يقولون خلصنا ( ماشاء الله عليييهم )
والله خااااطري اصيح اصيح لاني احس انه في شي عندي غلط بس شو هو ما اعرف
احيانا اقول يمكن ها بسبب اهمالى
من بداية السنه لاني ما كنت اذاكر عدل عدل
معني عارفة اني اقدر اييب لو شديت حيلي ،،
احيييد مادة طبعا اربع محاولات في التقويييم اول محاولتيييين خببببببصت فيهم بس هالابلة امتحاناتها صعبه و ثالث محاولة قلت لازم ااكد لها اني شاطرة لانها يوم خبرتني عن درجتي في الامتحان الثااني هزبتتني وقالت انتي يبتي هالدرجه لانج مهملـــــه ويووووومها يلست اصيييييييييييييييح لان كلامها صح 100% وفي الامتحان الثالث يبت درجه كااااملة طررررررررررررررت من الفرحه و ع فكرة ترا اكثر من ابلة قالت انتي مهمله وما تستغلييين ذكائج !!
وكل ما اقوووول خلاص لازم اذاكر اكثر عن جييه اجوف صار نص الليل وانا ما لحقت اراجع كل المواااد
عسب جيييه حسيييت نفسي ضااايعه وصرت ما اراجع يوميا بس اذاكر الامتحانات
بنات محتااايه نصايحكم وايد وايد وايد مقهووورة من نفسي وابا اعوض ف هالفصلين واييب النسبه اللي حطيتها فبالي حتى لو نزلت شوي درجاتي ف الامتحانات ابشركم مب كل الامتحانات خبضت فيها لان مثل ما تعرفون في امتحانات يت سهههههله
واحس انه بيصير شرات اللي صار هالفصل لانه والله ايام ما كنت ارقد الا ساعتين وبعد ما الحق ادرس كل المواااد
احس انه طريقة مذاكرتي غلط !!
بليييييييييييييييييييييز ما اباكم تحبطوني اكثر
ابا نصايحكم وكيف ابدا صفحة يديدة الفصل الياي
والصرااحة ابا اذاكر شو من الحين عسب اخفف عن نفسي بس مب عارفة شو هي المواد اللي ممكن اذاكرها !!
اتريااااااكم وادري طولت عليكم
بس لاني طلعت اللي فقلبي وبسسس
تمآم الحمممدلله انتي شحآلج ؟
المهم نرجع لموضوعنآ
حبيبتي اول شي آقولج هالجمل كنآ نسسسمعهآ ونقول بنسوي وبنسوي بسس القول بدون فعل مآينفع بصصرآحه
انآ مآ انكر اني كنت مثلج تماما تماما يعني كنت فالصييف اقوول بسسوي وبسسوي والله آخر شي وبدت المدآرس ومر علييهآ آسسبوعين وصرنآ نحن امششين في المناهج وانآ بعدي مآسسويت شي !! قلت لمتى يعني وهالفصول جدآ قصصيره ومابلحق اسسوي شي فطبعآ البنآت هني فآدوني بأني اسسوي جدول لعمممري المهم قلت بجربهآ طبعآ انا كنت اكتب فكرآسي انه من الساعه مثلآ للست ونص بقعداحل وآجباتي ومن الساعه لسآعه بقعد اسسوي شي معيين ومن ساعه لساعه باخذ لي بريك المهم اول اسسبوع كنت بسس اكتب واسوي نص اليوم ومر علييه ثآني اسسبوع بنفسالحآله وبجي فجأه قمت انتظم ع الجدول لانه انا قمت ارتب بومي وحتى لو صارت عندي مثلآ طلعة مفاجأه ولا شي عآدي بكون مسستعده اطلع طبعآ اول شي انآ كنت ارتب الواجبآت والبحوث والتقآرير وعقب اذآ علي امتحآن اقعد اذآكر وطبعى في الايام الي ماتكون فيهآ امتحان اقعد ارآجع كآمل 
وطبعآ بفترة الامتحانات وخاصة الاجآزه كآنت وآيد قصصيره يعني 5 اياام بلضضبط لآنه كآنت في ضضغوطات علينآ عقب اجآزه العييد وطبعآ الحممدلله عدينآ الامتحانات على خيير المهم هالاجازه كآنت جدا جدا قصصيره يعني انا حسسيت عمري صدج ماستفدت منهآ ولاشي حتى فالمذآكره كنت احسس عمري امشي امشي ع السسريع بدون فهم ولآ شي وطبعآ فالامتحانات سويت نفس طريقه قمت ارتب جدولي بحيث اني كنت ارد البييت السآعه 10 ونص وطبعآ آخذ لي برييك طويل طويل يمكن ارقد ويمكن اقعد ع المنتدى على حسسب المود طبعآ بس افضل اني ما ارقد لانه رقآدي ثجييل وعآدي اتم للعصر
المهم من السآعه 12 ابدأ مذآكره و اكون السآعه 10 بلييل مخلصة كآمل كآمل وطبعآ طول هالفتره بكون شي بريكات الغدا والعشآ والعصصر بس كلهم جي تقريبا نص سآعه ولا اقل وطبعآ كآن في وقت اني افتح كتآب التمآرين واحل واطلع نمآذج تجريبيه وعآدي اسسبح وارقد واقوم السآعه 4 اقعد ارآجع
حبيبتي اهم شي هالسسنة اذآ صدج صدج تبيين تسوين انجااز شييين اهم شي نفسيتج ووقتج اذآ وقتج ضآع صدج صدج بتخسرين وآيد اشيآء
المهم فدييتج خلآص لآ تضآيجين بعممرج لآنه الوقت بعده مافات جدآمج فصصلين بطولهم وعرضهم حآولي تعوضيين فيهم وتنظميين فيهم وقتج صح وتوكلي على ربج وحآفظي على صلوآتج وانتي ان شآء الله بتحققين كل اهدآفج
وبخصوص المذآكره اللحين انآ ببدأ احضر قبل يومين من المدرسة بس عشآن انششط مخيخي خخخخخخ
المهم اهم شي حبيبتي تتفآئلي بالخيير وحيآج فقروبنآ خلينآ نفيدج وتفيدينآ
وان شاء الله بشد حيلي الفصل الياي
والله يوفقنا وانييب نسب حلللوهــ
بداية شدي حيلج من اول شي
و لا تخلين اي شي يتراكم عليج
راجعي اول باول و اذا لقيتي فترة قبل الامتحانات لا تترييها بالعكس ابدي راجعي من قبل و قسمي المواد على فترات
يعني من قبل الامتحانات بشهر وانتي تراجعين عشان توصلين الامتحان بس تراجعين الي خلصتيه
المشاركة الأصلية كتبت بواسطة Glamorous.L 
بداية شدي حيلج من اول شي
و لا تخلين اي شي يتراكم عليج
راجعي اول باول و اذا لقيتي فترة قبل الامتحانات لا تترييها بالعكس ابدي راجعي من قبل و قسمي المواد على فترات
يعني من قبل الامتحانات بشهر وانتي تراجعين عشان توصلين الامتحان بس تراجعين الي خلصتيه
اممم هاذي هي ترا لما تتراكم الموااد علي اتخبل وبالاخر اسير ارقد عسب ارتاح او بالاصح اشرد خخخ
اما اني اذاكر قبل اجازة الامتحانات ،، والله من ورا المدرساات مستحييييل يعطونا امتحانات لاخر يوم بالدراسة يعني كل ابلة تبانا نحفظ مادتها وتههههتم فيها وبالاخر انخبص بكل الموااااد
ع العموم الله يسهل علينا الفصل الياي
هاي معاناة كل طالب ^^
ادعيلي بس