السلام عليكن خواتي الغاليات…اليوم بخبركن بسالفه صارت مع واحد من الاهل…متزوج وعنده ثلاث عيال…حرمته موظفه …وتغيب عن البيت فترات طويله …واهله يرمسون عنها وين اتسيرحرمتك وين ااتنام…يقولهم فالدوام….عندها شفت …عندها دوره …وجيه كله يدافع عنها…المسكين…الغافل…هاك اليوم يات وقالت له…حبيبي طلقني عسب يطلع لنا بيت…وحده ربيعتي سوت جيه وسارت عند الشيخه ……وعطتها بيت…وخلت ربيعتها ترس ريلها وتقنعه…انهن ثنتينهن بيطلقن…وعقب بيردن على ريايلهن …بس يبن البيت….الحبيبه عقب الطلاق اتزوجت…والله يعلم ابها خلصت العده والا لا….اهله عرفوا بالسالفه عقب ما عرست الحرمه …وخذت عنه لعيال لانها اقنعته يتنازل عنهم عشان اتحصل البيت….شو رايكن فالسالفه؟؟؟؟الحين هو يبا عياله .شو الحل؟
ما أقول غير حسبي الله ونعم الوكيل فيها ولا حول ولا قوة الا بالله
حسبي الله ونعم الوكيل
محد بيخسر غيرها لأن باين على الريال طيب وان شاء الله ما يضيع حقه
لا حول ولا قوة إلا بالله 
الله يهديـــم ويصلح من حـــالهم
والي أولـــه غلـــط آخره غـــلط ! ^_*
حتى ولو الريال زين والحرمة بعد ( مانقدر نحكم عليها ونحن مانعرفها ! ) ,, هم فكروا بطريق ماكـــرة وفيها غـــش " من غشنـأ فليس منـــأ "
ان الوحدة تتطلق عسب تاخذ بيت وترد لريلــها ,, جنهم يقصون على الشيـــوخ ! الشــــيوخ الي خيرهــم عليهم كبيــــــــر !
ودامــه هو وافق على هذي الحيــــلة ,, فشي طبيعي ان ييه من وراهـــا شي مب زيـن , لإن الاشيـــاء السلبية ,, تجذب الاشيـــاء السلبية ! ,, لإنــه كان موافق على كل شي من البدايــــة !
ويمـــكن الحين يلجأ للقضـــاء عسب يشوف عيــاله ,, والله يهديهــــم اثنيناتهم !
وهذا رايي اختي ^_^ …
الله المستعان
حسبالله ونعم الوكيل …هاي يسموونها خيانه … بييها يووم بتندم ع اللي سووته …. كما تدين تدان
تعديل …..( حسبي الله