لحظه شوي .. بضحك .. هههههههههه
لا جد ما اعرف اضحك ولا اصيح ولا اخذه ع قد عقله ..
الموقف امس استوى لي والحمدلله محد كان يالس غير يدة هل الولد عمره 8 سنوات ياهل .. بس صدمني ..
يعني طفل في هل العمر شو عرفه بسوالف العنوسه !
قالي انتي كم عمرج وتم يقول انتي ايييه اييييه خيبه ها عمرج وما عرستي !!! امه تقرب لي بس هي مب جي مال هل الرمسات ومحتاره اقولها او لا .. المشكله الولد مب فيني يعني انا اصلا ماسويت له سالفه بس هو من وين متعلم هل الكلام انتي عانس ولين اللحين ماعرستي !!
..
ويدته تمت تهزبه ع الرمسات هذي ..
اقول حق امه او اسكت ؟!
الله يرزقج بولد الحلال عاجلا غير اجلا..
الله بخليج حبيتي الحين إلياهل بعرفون أحسن مني و منج
من كلام الكبار و التلفزيون و النت و التلفون
لا تحطين في خاطرج ولا شي و يتده كانت موجوده اذا تبا هي بتخبر الام
بس انتي لا تكبرين الموضوع ولا تتحسسين
والله يرزقج كل خير 
بس الكبار ما يرمسوا جدام الصغارية في أمور مثل هذي أو غيرها
والأطفال لازم نربيهم على احترام الكبير وعدم تدخلهم في أمورهم الشخصية
والله يعين امه عليه شكله بيتعبها وايد