اي فندق احجز في مكة – السفر الاسبوع الياي ان شاء الله 2024.

السلام عليكم

اخواتي ساعدوني باسم فندق قريب من الحرم و اقدر اروح وارجع للحرم بروحي وبامان + شو رايكم في فندق سويس مكة swiss makkah ???

الله يحفظها ويحميها الي بترد علي

سلام عليكم أختي
احنا حجزنا في هذي الفنادق وكانت ممتازة وعلى الحرم على طول
فندق التوحيد انتركنتننتال من اكثر من ثلاث سنين
فندق هيلتون الأبراج من كثر من سنتين
فندق إيلاف كنده لكن اعتقد هذا 4 نجوم لكن الصراحه السويت كان ممتاز والبوفيه عندهم رائع والخدمة ممتازة
الله ييسر لك أمورك
ولا تنسي تدعيلنا دعوة حلوة عند الكعبة المشرفة

معرفه بس اعرف فندق زمزم وفندق التوحيد نفس مواصفاتك

احجزي في دار الايمان وااايد مريح واقرب من السويس
السويس ما عجبني موول وبعيد شوي عن الحرم

فندق رحاب روتانا اللي فيها الساعه روعه والاروع ادعيلنا

انا من ١٠ ايام يايه من مكه ،، كنا حاجزين في سويس بس يوم شفته بعيد عن الحرم كنسلنا .. ف مانصحج فيه لانه بعيييد ولازم تمشين .. اقرب فندق للحرم موفمبيك وايد حلو وتعاملهم حلووو ويخلونج ع راااحتج في المغادره نحن تمينا لين ٤ ومحد ازعجنا بالاتصال عشان المغادره .. ومقابل ها الفندق دار الايمان ف انصحج بواحد من هذيلا .. انا كنت ارووح برووحي وارد برووحي وايد امان والفندقين مطلات ع الحرم مباشره .. عمره مقبوله ان شاء الله ودعواتج

للاسف ماشفت ردكم قبل انتظرت ومحد رد

وزوجي حجز في مروى ريحانه *فندق

شو رايكم فيه ؟؟؟