برج العرب في ذكرى زواجنا الثانية . () 2024.

السلام عليكم ورحمة الله وبركاته
في يوم 6 / 8 رحنا برج العرب احتفالا بمناسبة ذكرى زواجنا الثانية
ونزلت الموضوع ليلة رمضان بس ماكان حلو لان الصور كانت ضخمة!! والكلام مخربط!
عقب انشغلت عن السالفة ف رمضان
والحين لما رجعت للموضوع ماقدرت أعدله
فقررت أرجع أحطه
===========================
الفكرة كانت فكرتي والحجز هديتي لزوجي ( لأن الرياييل ماتعرفين شو تهديهم، كنت عاطتنه قبل كل شي فبغيت شي يديد)
شو رايي عقب الزيارة؟؟؟ ميستاهل خسارة هالفلوس كلها
بذخ وفخامة عالفاضي!!
ومن كثر الخدمة تحسون انهم مزعجين !!
المهم بنزل الصور وبخبركم التفاصيل
===========================
رحنالهم الساعة هنتين مع ان الحجز الساعة ثلاث
ومن عند البوابة عالجسر وقفنا الهندي يجيك اذا اسمنا موجود بورقة الحجز ولا ما بيدخلونا !! يالله بالستر .. داشين بيت الحاكم نحن ولا شو مادري

وصلنا الباب كانوا يستقبلونا ويرحبون فينا ويزقرون ريلي باسمه لان الهندي الي كان عالباب خبرهم اسمه باللاسلكي.. وخذونا صالة استقبال وعطونا فوط مبلولة بماي بارد عشان الحر..
عقب يتنا المظيفة (طيارة مب فندق) وقالت السويت مب جاهز بس اتفضلوا عالكافيه اشربولكم شي ع حساب الفندق
ريلي طلب نسكافيه وانا ما بغيت شي

صورة الكافيه

عقب نص ساعة يوا خذونا عاللسويت
وكنا ساكنين بالطابق ال14 ، وهم نظامهم ان يكون فيه مكتب رسبشن في كل طابق
ويخلونكم السويت اذا بغيتوا ويخلصون اجراءات الدفع داخل السويت فالصالة

الصالة

اطلالة حلوة

الحمام والجاكوزي

وممكن تطلبون تعديل الجاكوزي ب300 درهم بس ماعرف شو يسوون بالضبط

واي سؤال انا حاضرة

بس انتي تقولين مايستااهل ..مااقلتي ليش ماايستااهل ، كم كاان سعر الليله ؟ ..