المقادير:
125 غ زبدة = إصبع زبدة و ربع (لازم تكون الزبدة بحرارة الغرفة)
ثلثين كوب سكر بني
ملعقة صغيرة هيل مطحون
نص ملعقة صغيرة دارسين مطحون
نص ملعقة صغيرة زنجبيل بودرة
أقل من ربع ملعقة صغيرة (جوزة الطيب – مسمار (قرنفل) مطحون – فلفل أسود)
صفار بيضتين
كوب و نص طحين
الطريقة :
* في البداية نخلط الزبدة و السكر البني و البهارات و الصفار لحد ما يصير عندنا خليط كريمي…
* ثم نضيف الطحين على الخليط…
* و نعجنهم مع بعض لحد ما تصير عندنا عجينة لينة <<< و ريحتها تجنن
*الحين جيبو تغليف نايلون و افرشوه ع الكاونتر، حطو العجينة بالنص و شكلوها على شكل اسطواني أو أي شكل تحبونه " مربع أو مضلع "
* بعدين دخلوها الثلاجة نص ساعة، أو تسوون مثلي، حطيتها بالفريزر و خليتها نص ساعة عشان لما أجي أشتغل عليها تكون متماسكة!
* بعد ما تطلعونها من الثلاجة أو الفريزر، قطعوها شرايح رقيقة بسمك 3 ملم تقريباً… إذا حسيتوا العجينة صارت لينة و انتو تشتغلون عليها، رجعوها الثلاجة أو الفريزر عشان تتماسك!
و عشان التقطيع يكون سريع و سهل عليكم استخدموا سكين كبيرة و عريضة!
* صفو الشرايح في الصواني و دخلوها الفرن في الرف الأوسط، على حرارة 325 فهرنهايت = 160 مئوية لمدة ربع ساعة أو لحد ما تشوفونه تحمر، و انتبهوا له، لأن البسكويت رقيق فهو يتحمر بسرعة!
و عوافي إن شاء الله …
و الـِـِف شكـِــِـِر ختيـِـِه عالوصـِـِـِفه ..
