بسنا هاي النماذج الفاشلة من النساء 2024.

للنساء اللي ازواجهم يضربونهم يخونونهم يأذونهم وهي تعرف بكل قذارته ولا تأخذ حقها منه،، البلاد فيها قانون فيها ضوابط ليش ماياخذون حقهم منهم،، لو كل حرمه صارت صدق حرمه،، ما شفتوا واحد قدر يقص على زوجته ويبهدلها،، لكن إذا الزوجه تبين لزوجها انها ميته عليه وماخلق ربي غيره وانها طايح حظها مالها غيره لازم بيدوسها،، في حريم الله يهداهن يركضون وراء رياييلهم ومتعبات عمارهن على الفاضي اللي مايباني ماأباه ولي يدوسني بنعاله ادوسه بالكعب،، أبغي كل حرمه تعرف قيمتها الأصليه وتاخذ حقوقها الكامله من اي زوج استغلالي (اليوم قريت في جريدة البيان ان زوجه حكمولها بمبلغ 5000 لأن زوجها صفعها) هاذا صفعها بس وغرموه 5000 .. لو كل حرمه عرفت القانون ماركضت وراء ريلها بيتمون الرياييل يركضون وراء حريمهم،، بسنا هاي النماذج الفاشله من النساء الحرمه كل شي تسوي الحين وصلت حتى وزيره،، الريال يحب اللي يركض وراها مب اللي تركض وراه،، والقهر في حريم يشتكون من ريايلهم يضربونهم ويخونونهم وفوق هذا تلقينها تصرف وياه في البيت وتساعده،، شو هاي هباله ،، لاتقولون قلة حيلة وعشان العيال ،، العيال يبغون ام تعلمهم عزة النفس والقوة،، انا كتب هاذا الموضوع لأني سمعت سالفة بطلتها زوجه يالسه ويا زوج من الأزواج التافهين ويسوق سيارة هي تدفع اقساطها بعد وساكنه في اجار هي تدفع قيمته وتشتكي انه راعي بنات ويضربها،، انقهرت وقلت في نفسي اكيد وايدات غيرها يمكن هاي الرسالة توصلهم ويخططون من اليوم كيف يعيشون حياة افضل؟؟ والسموحه لو في الموضوع اي تقصير..

هيه والله انج صادقة
انا اسمع عن هالنماذج
اللهم لا تبلينا بجذه رياييل

يالله ما اكثرهن

تقولين الريال شي مقدس استغفر الله العظيم

اللي ما يحشمني خله يولي تراه الا ريااااااااااااااااااااااااااااااااااااال

,والله معاج حق في كل كلمه قلتيها .. الواحد ابرك له انه يعيش بعزة نفس محفوظه والريل مش كل شي في الحياه ترانا كنا عايشين بدونهم وبعد نقدر نعيش من دونهم يعني ما افرقت .. وانا عن نفسي مستحيل اخلي ريلي يقلل من قيمتي او يسفهني ممكن احيانا ضغوط الحياه تؤدي الى بعض المشاكل البسيطه بين الزوجين اللي انا اعتبرها بهارات الحياه لكن في النهايه في اسلوب للحوار لحل مثل هذي المشاكل .. لكن لا وألـــــــــــــــــــف لا لضرب الزوج لزوجته ..

اوكييييييييه
عيل الي تعرف مستشار قانوني ولا القوانين الي تحفظ حقوق المرأة تكتب كل القوانين الي تساعد الحرمة المظلومة
يعني يتثبت باب في المنتدى عن كيفية تصرف المرأة قانونيا في حال: الضرب
القذف السب ولاشتم من قبل الزوج
ولأي جهة قانونية بالضبط عشان ما يضيع حقها
او اي حالات ممكن تخطر على بالكم وفيها نص قانوني يعاقب الزوج عليها
للاخوات الي عندهم تجارب باللجوء للقانون ارجو ان تروي تجربتها وتفاصيل عنها عشان تستفيدوا قبل لا يطيح الفاس بالراس
وهذا الي يسمونه قوة المعلومات
يعني لانج تملكين المعرفة والمعلومات بتقدرين تتصرفين ارجو انكن تفهمون هالنقطة زين وان شاء الله ما بيضيع حقكن ونقطة ثانية
افهمي زين متى يمكنك التحرك واللجوء
للقانون مب على سبب تافه تقومي تبالغي وتكبري الموضوع
اظن فيج عقل تقيمي به الفعال الي تسئ لك كانسانة
اللهم أحفظنا
اللهم آمين

ههههههههههه شوي شوي ع الريايل حرام عليكم والله ريايلنا حلوين محد شراتهم (((فديت ريلي )))

خخخخخ ها انقهرتي مني تدرين شو السالفه انا الاحظ انه الريل اللي حرمته تشتغل ما اعرف بس احس دوم الموظفه ريلها يستغلها بس الللي قاعده بالبيت شراتي ريلها يعززها ويكرمها وهوه اللي اكيد يهتم بكل شي بس يوم اتكون موظفه احس الريال يطمع بمرته وعادي كان مزوجنها اساسا عشان هيه موظفه مب عشانها شخصيا ……………………… صدق انتي ها اللي قهرج اليوم والا خذيتي لج علقه من الصبح خخخخخخخ ادري بج حمشه ما بتمر عليج العلقه خخخخخخ

المهم ترا الحين تدرون بالدول الاوروبيه يعطون الحرمه اللي تتنازل عن وظيفتها واتم في بيتها راتي رمزي مكافئه لها عشان جافو السوالف اللي استوت من ورا انه التفكك الاسري صار و والريل يطلع يدور اللي يباه عند حرمه غير مرته والاططفال انتشرت عند السلوكيات الفظيعه قامو الحريم الاجانب الحين يردون للبيوت خخخخخخخخخخخخخخخ ما جني طلعت من الموضوع خخخخخخخ بس تدرين بقول لج شي ها الكلام دوم اقوله حتى قلته لريلي اقول يوم كنت ياهل يعني توني مراهقه 12 سنه خخخ كنت اتمنى اخذ ريل يصفعني خخخخخ وعقب انا ازعل منه ومدري يستوي اكشن وعقب يراضيني مدري ليش ابا ريال جيه كله معصب بس اتيه حذه جيه اهمه خخخخخخخخ اسميني االف افلام هنديه خخخخخخخ والله صدق كان خاطري بصفعه ويوم قلت لريلي يقول لي تعالي بعطيج اقول له ما تنفع تعطيني والضحكه طاره حلجه من الاذن للاذن خخخخخخخخ عاد فديته ما اهون عليه

ههههههههه اشتطيتو عليهم حليلهم حتى الحريم وايد يسوون بريايلهم حرام يعني كله الريل سوا بس طبع الريايل كتومين