خواتـــي الاسبوع هذا إن شاء الله بعزم أهلي على العشا ،،، وهم تقريبا مال 8 أشخااص
شو تقترحون علييييه أسوي الهم عشـــا ،،،
بغيـــت عشا معتبـــر خخخخخ أنا محطيه فــي بالـــي ،،،،
– فريـــد لحم
– معكرونه بشاميل بالدياي
– فطاير جبن
محاشي ( ورق عنب + ملفوف )
هالي فــي بالــي حاليا ،،، وعن السويتااات ،،، ما اعرف للحين شو أســوي ،،،
ممكن أقتراحاتكم حبيباتـــي ،،،
شاكره الكم ،،، أختكم / أم فطامـــي
بسبوسة بالقشطه
كيكة الككاو أو كب كيك بس بالككاو و مع الكريمة وتفنني فيها
ممكن كريم كاراميل بس بطبق كبير وممكن كــتغيير تظيفين عليها كريمة
سلطة فواكه طبعا
و اطباق ساخنه ممكن باستات بانواع مختلفه
ستيكات او سكالوب دياي مع بطاط او خضار عالبخار
ممكن تكثرين السلطات و نوعي فيها
واذا تعرفين تبدعين بالسي فود بعد ما يمنع تسوين اكلات بحرية
علشان ترضين جميع الاذواق
الطريقة
3 كاسات حليب طويل الامد
3 ملاعق نشا
فنجان سكر
وشوي ماي ورد
وعلى النار حتى تغلظ وبس
وه>ي مقاديرها
بسكوت شاهي
3 ظرف كريم كارميل
3 ظرف دريم ويب
4 قشطه
5 تويكس ( ابو اصبعين )
2 فليك
الطررررررررررررررررررررررريقه
اول شي تحطين الـ 5 تويكس و 1 قشطه بالخلاط وتخلطينهم
بعدين تجيبين صينية بايركس تحطين طبقة بسكوت مغموسه بنيدو وتحطين فوقها الخلطه اللي قلناها فوق [ التويكس والقشطه ] وتحطين طبقه ثانيه بعدين التويكس وطبقه ثالثه والتويكس
بعدها تخلطين باليد واللي تبي بالخلاط
الـ3 قشطه والـ 3 دريم ويب والـ3 كريم كارميل
وبعد ماتلاحظين انه صار كريمه حطيها فوق الخطوه اللي قبل
وبعدين ترشين عليه الـ 2 فليك
وبعدها حطيها بالثلاجه فتره علشان تتماسك الافضل فتره ماتقل عن 3 ساعات
وعلى حسب وقتك
* ثريـــــــــد
*هريـــــــــس
*عيش مع غوزي الدياي
الجانبي
* معكرونة باشميل لحمة
*بيتزاااااا
*ورق عنب
*فلافـــــــل
*سمبوســــة
*مشاوي سي فووود
*شوربة عدس خضار
مقبلات باردة:
* تبولة
فتووووش
سلطة الملفووووف بالجزر
متبل
روب بالخضار
حمص
(( لاتنسين: صلصات الدقوس والكاتشاب ))
وحلو لو تسوين نظام بوفيه اذا عندج مكان فالحوش وطاولات
حتى لو يتعشون عالأرض! يعني يلسة عربية
هاي افكار انا حابة اسويها بعزيمتي لاحقا