الانجليزي صار فيه تغييير في المنهج و صارت عندهم خبيرة أجنبية معاهم على طول
المشاركة الأصلية كتبت بواسطة مراحب الحلوة 
الانجليزي صار فيه تغييير في المنهج و صارت عندهم خبيرة أجنبية معاهم على طول
مشكورة فديتج ما تقصرين
.
مرحبا اختي العزيزه
كل ماسأكتبه عن مدرس الغد هو عن خبره لأني منها !!
ممكن نطلق على مدارس الغد ( مدارس الأمس ) أو في رواية أخرى (مدارس أول أمس )
حلو التطور و مجاراه العالم في تطوير التعليم
ولكن بتفكير و تفكر
يعني الله يسامحهم الوزاره وبدون ذكر أسماء طرحوا الفكرة و نفذوها في أقل من سته شهور
يعني حتى ماكلفوا على نفسهم أنهم يتشاورا أو حتى يدرسوا الفكره
من الفكره إلى التنفيذ مباشره و أكبر دليل المعاناه في النقص و الضياع الذي نعيشه للآن
أمثله على معاناه مدرستي
طول الفصل الأول و نحن نعاني غياب اجهزة الكمبيوتر و DATASHOW و البروجكتر
وغيرها من الأجهزة المهمة لكل طالب و مدرسه
الفصل الثاني مازلنا نعاني من بعض النقص و بعض المشاكل التقنية في الأجهزة
و لما نكلم الوزاره يقولون لنا كلموا الأجانب إلي عندكم
و الأجانب إلي عندنا ( ضيوف شرف ) ياخذوا راتب 40000 ألف كل شهر على الفاضي : )
يكفي أن اجازت نص العام خربوها علشان تتناسب و احتفالات الكرسميس علشان الأجانب يعيدوا عند أهلهم و مو مهم عيال المدارس و الجامعة يجتمعوا في نفس الاجازه
لازم الاجانب يرتاحوا ,,, احنا مب مهم : )!!
أكبر دليل على فشل هذه التجربة
أن هناك أوليلء أمور كانوا ناقلين أبناءهم لمدارس الغد على أساس أنها مدارس متطوره و ذات تعليم عالي
و في النهاية رجعوا هالأهل نقلوا أبناءهم من مدارس الغد
لأانهم أكتشفوا متأخرين أنها أبداً لاتمت للغد بأي صله : )
عشنا و ياما بنشوف
بصراااحه التجربة فيها اشياء ايجابيه واشياء سلبية..عموما بالنسبه لي التجربة حلوه واااايد وانا مستمتعه فيها لان الطريقة هيه نفس الطريقة الي ادربت عليها في كليات التقنيه..عشان جيه مب حاسه بفرق لاني من قبل متعودة على اغلبية الاشياء الي انسويها في مدارس الغد بحكم اني ادربت في مدرسة خاصه اجنبية واعرف كيف اتعامل مع الاجانب..والحمد الله مع نهاية الفصل الدراسي الأول لاحظت مدى ارتفاع مستوى الطالبات وخاصه الي كااان مستواااهم ضعييف وفي عندي بعض البنات عايدات السنه بس الادارة مستغربة ان هالبنات ماشا الله عليهن وااااااايد ارتفع مستواااهن وبدن يرمسن انجليزي اكثر عن قبل وحتى نفسيتهم مرتاااحه يعني احس هذا النظام وااايد فادهم..وحتى اولياء الامووور بصراحه كلهم يتصلون فيني ويخبروني انهم ملاحظين كيف مستويات بناتهم اطورت ومستانسين ان البنات ماشا الله اول السنة ماعندهم المقدرة على التخاطب بالانجليزي والحين ماشا الله اتحسن مستواهن…
بس من ناحية السلبيات فأنا مع كلام الاخت لون المطر…المشكله ان المشرووع لما طلعت فكرته قررت الوزاره ان يتنفذ هذي السنه بس المشكله انهم ماااكانو دارسينه من كل الجوانب وخاصه موضووع الادوات التعليميه وتأخرها عن المدارس..وخاصه الكتب وملحقاتها والتقنياات مثل computers data show projector
بصراااحه نحن وااايد اتأخرو بالكتب وماكانو يايبين لنا لا teacher mentor ولا team leader يعني بس كانت عدنا اجنبية وحده وهي principal advisor فاتخيلوو اني انا والمعلمه الثانيه الي ادرس صف اول كل شي كنا نسويه بروحنا ال resources و ال planning و اتخيلي لين يووومج ماعدنا team leader بس يالله الحمدالله الشي اللي يفرحنا مستويات البنات واولياء الامور ومسؤلين مدارس الغد يوم زاارونا الحمدالله واااايد استانسو من صفوفنا وترتيبهن ومستوى الطالبات حتى قالولنا بنيب معلمات من مدارس ثانيه عشان يشووفون صفوفكم لانهم لين الحين مب فاهمين فكرة مدارس الغد..الحمدالله على كل شي..لكل مجتهد نصيب..
احس المفرووض كانو السنة اليايه يبدوون في هذا المشرووع يعني لين مانخلص ال workshop هاي السنة عشان ندرب على المناهج اليديده والاغراض التعليمية وكل شي يكون جاااهز حتى الاهالي يكوونون مهيأين نفسيا لهذا الموضووع