الســـــــــــــلام ع ــــــــــــــــــليكم
حبايبي بغيت اعرف طريقه دياي ناشف
وصالونه الدياي اللي ناكلها بالعيش مو الخبز لكن ابغيها بدون ريحه الدياي لاني ماحب ريحته تكون بارزة واااااااااااااااايد
للرفع
دخيلكم خبروني ع الاقل دياي ناشف بس
المشاركة الأصلية كتبت بواسطة روووح الغلااا 
اتبعي طريقتي في صالونة الدجاج حلوة ومرات انا اخليها نفس الصالونة ومرات اخليها تنشف عشان تصير نفس الناشف
رووووووووووووووووعه
مشكووووووورة حبيبتي
جزاج الله خير
الله يوفقج ويحفظج ويرزقج كل خير ان شالله يااااااااااااااارب
هلا الغاليه بخبرج بطريقة الوالده اللي الكل يتخبل عليها
قطعي الدياي لثثمان قطع وحطي عليه البهارات وعقب قليه يلين يستوي احمر
وفوري البطاطس طبعا تكوني مقطعته مربعات وخليه يستوي نص سوا
وفي جدر او تاوه قلي البصل مع شوية زيت يلين يحمر عقب عقي فلفل احمر ناشف الثوم بالزنجبيل المطحون وحطي فوقهم بهارات مشكله ( كركم بزار عربي ملح شطه وبهارات مشكله ) وحركيه شوي وعقب الدياي واخر شيء البطاطس وحركيه عقب حطي قفشتين صلصل وعصري فوقه ليمونه
وبس
وهني وعافيه
وطريقة اللحم ناشف نفس الشيء بس الفرق اللحم يتوغر يلين ينضى طبعا يكون مقطع مكعبات صغيره وامي تسويه بلحم البقر وحطي فوقه ملح وكركم وقلي البصل والفلفل الاحمر الناشف وعقب حطي الثوم والزنجبيل وعقب عقي ورق غار وقليه شوي وعقب عقي البهارات نفسها اللي فوق وقلبيها وعقب عقي اللحم بدون الماي طبعا وعقي قفشتين او 4 صلصل وعصري ليمونه واذا حابه حطي جمن وقه نعناع
وامي رافجه عليج تقولج اي شيء تبينه بتعلمج سمن العربي والمجابيس اي شيء بخاطرج الا البزار العربي حالفه ماتعلم حد ههههههههههههههههههه