بليز / ابا طريقة العصيده 2024.

مرحبا بنات

شحالكن

بلييييز ابا طريقة عصيييييييييده تخلي الي يتذوقها يتخبل عليها ^^

دورت في النت ومافهمت
الانيه ماقد سويتها ابدا !!

فدخيييلكن الي تعرف طريقتها
او ممكن توفرليه الطريقه من عند امها ولا يدتها ولا حد يقربلها

تقووليه

وشكراا

والي بتقرا بلييز up لين ما احصل الطرييقه لانيه محتاجتنها بااجررر

up up up up

عندي طريقه عصيدة الجزر
وايد حلوه
ما يفرق طعمها عن العصيده العاديه .

المقادير بقوطي السميد الأحمر
2قوطي طحين
1 قوطي سكر+قالب زبده متوسط الحجم
1ونص قوطي ماي
زعفران وماي ورد وهال
الطريقه:
تحمرين الطحين في التاوه ويوم يبرد تنخلينه وتخلطين كوب منه ويا الماي الدافي
وتحمرين السكر لين مايصير لونه بني وتصبين عليه الماي وعقب الزبده وعقب الزعفران والهال والماء ورد وباقي الطحين المذوب في الماي وتخلطينه عدل عشان مايتكتل….وتقصرين على النار وتحطين الحديده تحت الجدر وتخلين العصيده تستوي على نار هاديه
وعقب تصبينها في الصحون وتكون شبه سائله(متماسكه شوي)

أحلى رفع لج يالغاليه وانا بعد قاعده أدورها بصراحه أحبها مره,,

ان شاء الله بجربها باجر,, مشكووووووووره ع الطريقه’’

عصيدة الجزر
المقادير:-
10 جزرات
نصف باكيت زبده
3 كؤوس طحين محمر ((رقم 2))
سكر كاسين ونصف
هيل وزعفران منقوعين في ربع كأس ماء ورد
5 أكواب ماء الجزر
الطريقة:-
1 . يقطع الجزر ثم يسلق ويحتفظ في ماء السلق ثم يبرد.
2. يوضع الجزر في خلاط الكأس ع دفعات ونضيف من كل دفعه سكر وماء الجزر.
3.ثم يوضع خليط الجزر في الجدر ثم نضيف الزبدة وقبل أن يغلي الخليط في الجدر ننخل الطحين ونضيف ماء الجزر أيضا بالتدريج ونحرك حسب السمك المطلوب بحيث لا يكون ثخينا كثيرا بل متوسط في السمك وإذا احتاج إضافة ماء أو سكر نضيف.
4. وأخيرا نضيف ماء الورد مع الهيل والزعفران.
((ندهن الطبق بالسمن وممكن نرش عليه قليل من جوز الهند حسب الرغبة ))

وهني وعافيه ……

وإنشاء الله تعجبكم