اشحالكم ؟؟ عساااكم بخير
الغاليات انا اريد طريقه استخدام مسك الطهاره السائل الابيض؟؟
وانا الحين فالنفااس … عادي استخدمه ؟؟
المسك الأبيض مب مسك الطهاره
مسك الطهاره هو مسك الغزال الاسود وحاليا ممسوح من السوق الخليجي
واللي يقولج عندي وبتشترين عنه شوفي الكميه اللي عنده اذا كثيره ممكن تكون يديده واذا نص الغرشه تقريبا لاتشترين عنه لأنه بيكون جديم حتى لو كان القرشي …كل الكميه اللي عنده جديمه وايد وحريم اتضرروا منها
المسك الاسود الحين موقف من الهند وانا لين الحين مب قادره أوفي طلبات زبايني
عموما ما يستخدم في النفاس يستخدم بعد ما ينقطع عنج دم النفاس أو دم الدوره الشهريه
أما المسك الابيض سواء كان سائل أو مكعبات أو اقراص هالشيين مالهم خص بمسك الطهاره هالاشيا للتعطير فقط
جايبة اليوم لكم طريقة الطهارة بالمسك بعد الحيض ؟ الدورة الشهرية وهو هام لجميع النساء المتزوجات وغير المتزوجات ؟!
نبدأ بخطوات عمل المسك :
بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم
و هذي الاغراض الطلوبه
مسك عبد الصمد القرشي
ماء ورد
ماء معدني
طاسه ذات غطاء محكم
اولا: سيري عند عبد الصمد القرشي وقوليله ابا مسك الحجر ((الحبه 10 دراهم)) ريحته جنان……
ثانيا: خذي نص قطعة المسك و لفيها بنايلون عشان النظافه و ما تتوصخ
اطحني نص حبه المسك بس مب اتخلينها بودره لا
جي لازم يكون شكلها
يعني فيها كسر
ثالثا: بعدين اني لماي الورد و الماي المعدني
((..انا استعمل مسافي))
و هذا مقدار كل واحد منه *ماي الورد و الماي المعدني *
و ايصير اتزيدين على حسب حجم الغرشه مب شرط تتقيدون بالكميات
وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))………. .
وبعدين رجي الطاسه عدل لين ما تتخلط المحتويات((طبعا المسك ما راح يذوب))
او بها الشكل بعد
رابعا: هذي انواع القطن الي نستخدمه
طبعا القطعه تكون نظيفه
القطن البيضاوي هذا بس اتغطينه عادي
و قطعه قطن الدائري هذي تجسفينها((يعني تطلع عندج نصف دائره))
مثل ما واضح في الصوره
وتغطسينها في الخلطه وتمسحين بها المنطقه من فوق لين تحت و الخلف بعد…
للمتزوجات لازم ادخلين القطنه داخل0 … وراح اتشوفين انه في وصخ يطلع ((هذا دليل النظافه))
والبنات بس من برع.
((يجب مراعات النطافه التامه يا بنات … يعني لا تغطسين القطنه اكثر من مره عشان ما تنتقل الجراثيم في العلبه))
وتستمرين بها الطريقه
بعد ما تخلصين من الدوره ولمده 3 ايام متتاليه
و اذا كنت حابه بعد الاستحمام و وقت الحاجه طبعا
وشوفي النظافه والريحه الحلوه ((حتى الريحه تعلق في ملابسج الداخليه))
و انسي شي اسمه التهابات او حساسيه و افرازات و روائح كريهه…
انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني
الان هذا النوع الوحيد الي انا جربته و ما اعرف عن الباجي
جربوا وادعولي
منقول للامانه
بس انا شخصيا عروسة المملكه استخدمهاااااااا مرررررررررررررررررره روعه
ماااااااا اعرف ليش الصور ما ظهرت بس مااا عليه المهم الكلام واااضح ويكفي عن الصور
الله يعطيكم العافيه
انشا الله الجميع يستفيد