شحالكن بنات عساكن بخير وسهاله خواتي الغاليات انا حبيت اجمعكن ع الخير هني ان شاء الله وفكرتي ان نكلم بعض ونخلي ثقتنا ف نفسنا عال العال مثل ما يقولوا ^^
مثلا انا كنت متابعه قصصكم ف المنتدى والحمدلله استفدت وايد منكن وبديت اهتم بالنوافل والصدقه وقيام الليل والله يا بنات ارتحت وايد وما صرت شاله هم شي ابد صحيح عمري صغير بس تخرجت من الكليه وعاد جلسة البيت هي اللي اثرت فيني وحبيت اشغل نفسي بشي يرضي الله اولا ويفيدني ثانيا
انا اول ما قريت تجارب البنات التزمت الحمدلله ف قيام الليل وشوي شوي الصدقه بس يا بنات كسلت وايد الله يبعد الشيطان ما ادري شو صارلي من الوحده ولا شو بالضبط 
عشان كذا ابا نتجمع ونشجع بعض لو لقيت حد وياي والله بتشجع
مثلا قررت الاسبوع الياي ان شاء الله باذن الله اجمع عشر دراهم من كل شخص ف عاىلتي واتبرع فيهن وشوي شوي جي ابا ابداء وربي يرضا عني ويوفقني ان شاء الله
اللي عندها نصيحه او تجربه او مثلا نتفق ف يوم معين نسوي شي تخبرنا ومنكن السموحه
دام متخرجه ليش ما تقدمين على وظيفة , انا بعد يالسه فالبيت واحس بوحده وملل
حلو خلينا نتفق على يوم معين للصدقة
حلو تبارك الله حيويتك وتفكيرك ربي يوفقك