السلام عليكم ورحمه الله وبركاته
شحالكم ؟! عساكم بخير ؟؟
انا مسجلة في المعهد بس بعدني ما امتحنت امتحان القبول
وانا محتارة ادخل المعهد او لا
انا اول سنة الي فيه يعني انا بروح صف تاسع
فعندي اسئلة وابغييييييكم تجاوبون عليها
1- كيف الدراسة هناك ؟؟ سهلة او صعبة
2- شو رأيكم فيه ؟؟
3- اوصفولي المعهد ؟؟
4- شو تنصحوني ؟؟
5- كيف التعامل المعلمين مع الطلاب ؟؟
6- كيف لازم اتكون قدرتي في الانجليزي ؟؟ { فيه بنات خبروني يبدوون معانا في الانجليزي من الصفر } ؟؟
ان شاء الله ما ثقلت عليكم
ومشكورين
المشاركة الأصلية كتبت بواسطة زهره الصيف 
الدراسه سهله للي بتذاكر و بتشد حيلها و بتكون صعبه للي تلعب و ما تذاكر
و طبعا الدراسه كلها بالانجليزي بس بتدرسي اللغه العربيه و التربية الاسلامية اللي يدرسوها فالمدارس الحكوميه
و بتدرسي ايلتس من صف اول ثنوي اعتقد ,, و بتتدرسي المواد العلمية مثل الكيميا و الفيزيا و الرياضيات و شي مواد زياده بعد بس ما اذكرها ^^
2- شو رأيكم فيه ؟؟
انا انصح الدراسه فيه الصراحه ,, و لو كان موجود فالفجيرة للبنات ع ايامي كنت بدخله ^^لاني اشوف اخواني الاولاد مستانسين و مرتاحين فيه ,, خاصه انه لغتهم الانجليزية تحسنت و صارت قوية ^^بس طبعا قوانينهم صارمه و لازم تلتزمي فيها ,, و شي تخصصات بعد من ثاني ثنوي تبدا ,, و شي معدل غير عن النسبة ,, يعني التخصص له معدل و باقي المواد لها نسبه شرات المدرسه
3- اوصفولي المعهد ؟؟
امممم المعهد تقريبا نفس الكلية ما اعرف المرافق اللي فيه باستثناء الكفتيريا و الورشة مال الكهرباء اعتقد خخخخخخخخخ
اما بالنسبه للمسابقات ترى وااااااااااااااااااايد مسابقات يسوو و ع مستوى الدولة بعد ^^ و مسابقاتهم واايد حلوة
4- شو تنصحوني ؟؟
شدي حيلج فدراستج و ان شاء الله تكون من الاوائل ^^
5- كيف التعامل المعلمين مع الطلاب ؟؟
طبعا المدرسين كلهم اجانب باستثناء مدرسين اللغه العربية و التربيه الاسلامية ^^
و لازم تحترميهم ,, هااا اهم شي ,, و لا تشاغبي فالحصه
6- كيف لازم اتكون قدرتي في الانجليزي ؟؟ { فيه بنات خبروني يبدوون معانا في الانجليزي من الصفر } ؟؟
اول ما تدخلي المعهد ان شاء الله الدراسه كلها بتكون بالانجليزي و لغتج بتتطور ان شاء الله لو انتي ساعدتي نفسج ,,
أخيرا حصلت حد يرد علي
المشاركة الأصلية كتبت بواسطة أم راشد العين اللهم آمييين
بالتوفيق لج ولنا