بنات دبي الخبيرات في الصوالين عندي سؤال وسؤال مهم وايد 2024.

السلام عليكم ورحمة الله -تعالى- وبركاته…
شخباركم بنات؟؟؟

في دبي في صالون اسمه ساشا وموقعه في جميرا…. أبي أعرف مكياجهم حلو ولا لا؟؟؟ لأن عندي مناسبة وايد مهمة بعد كم يوم وأبي أحجز عندهم… لأني حطيت مرتين ثلاث عند ريحانة ما عجبني مكياجها… اللي أعرفه إن ساشا صالون أجنبي…. يعني ناعم…..

تنصحوني فيه ولا لأ؟؟؟

مع العلم إني ما أقدر أبتعد أكثر عن جميرا… يعني حدي بس جميرا….

ومشكورات..

حرام 6 بنات دخلوا ولا وحدة ردت علي!!!!!!!!!!!!!!!!
وينكم بنات؟؟؟

السموووووووحة اختي… اول مرة اسمع عنه..

ان شاء الله البنات مابيقصرن..

ريحانة ما عيبج ميكابها رغم ان الكل يمدحها..انتي شراتي.. انا بعد ما يظبط عليه مكياجها رغم انه الفاونديشن مالها وايد حلو يعجبني.. بس رسمة العين ما تظبطها وياية!! جربي زرينة خلها تحطلج

او ليش ما تتصلين في وحدة من الخوات اللي يمكيجن تييج البيت وتمكيج والتسريحة في صالون ايمان في جميرا..تسريحاتهم حلوة

بس ساشا اول مرة اسمع عنها فما اقدر افيدج

والسموحة منج الغاليه

عندج مورا سمعت انه مكيبهم اتعدل يعني صار للاحسن …. واذا انتي من النوع اللي ما تقدرين تطلعين برع جميرا … شي وايدات من خبيرات التجميل ييييونج البيت …. وتحياتي

السموحه الغاليه ماعرف هالصالون
لكن فيه بدايل بنات مواطنات

مشكورات كل البنات اللي ردوا علي..
لكن صوالين أبعد عن جميرا ما أقدر أروح..
أنا ويهي من النوع اللي صعب.. يعني مو أي وحدة تحط لي اطلعني حلوة..
فمو عارفة شو أسوي….
المشكلة إني يبت مرة مواطنة وقالولي شاطرة ومكياجها روعة..
لكن والله إني انصدمت يوم شفت المكياج في الصور…
أنا وايد خايفة…