خواتي بنات راك و الامارات الشمالية بغيت رايكم و مشكورتكم ضروري
انا من دبي وريلي من راك
متزوجة من 3 سنين تقريبا
يوم خذني كنت اشتغل في دبي و ما رمت اودرشغلي لاني ادري بصعوبة الوحدة تلقى وظيفة في راك
فا تميت اداوم وعايشة بيت هلي دبي واسير راك في اخر الاسبوع
هو ما قال شي
بس بدت المصايب و البلاوي و الخيانات تطلع
حاسه بضيجة ومب عارفة شو الحل
مب رايمة اودر وظيفتي لانه اليلسة في البيت في بلاد ما تعرف فيها حد ولا تروم تسوي فيها انشطة ملل و تعب خصة للي تعود على الحركة
الحين افكر جديا اني انتقل اعيش وياه و اضرب خط كل يوم حق الدوام
بغيت اعرف اراء البنات و الحريم اللي عايشين في راك ويداومن دبي
هل الدرب عادي بتعود عليه؟؟ انا فكر احط لي دريولية توديني و تيبني عسب ما اتعب في السواقة
الله يفرج همكم فرجوا همي
مشكورين
الغلا انا اعرف وااايد بنات اداومن من راك لين دبي
الاغلبية بروحن يسوقن،، واذا انتي بتتعبين حطي ليج دريولية
توديج وتيبج…
واذا تبين تنتقلين وتعيشين اهنه ان شا الله بتحصلين وظيفه
حاولي تخلين ريلج يدور لج واسطه ويرمسلج حد
اما على الدرب .. ربيعتي تدق درب كل يوم وتتعبت وااايد
حتى موول ما تلحق تشوف اهلها
ف ان شا الله تحصلين وظيفه في راك وترتاحين
انا من دبي وريلي من بوظبي وكنت اداوم فدبي اتخيلي…لوعت جبد..المهم على طاري سالفتج انا احسانج بتتعودين عالدرب صدقيني…
افضل الحلول …
اذا ريلج مقتدر ويقدر يعيشج وما بتحتاجين لشيء وهو بيكون موفر كل شيء .. بلاش الشغل… اقعدي جابلي ريلج وبيتج احسن لج … عشان ما تتفاجئين بعد يطلع مزوج عليج بدون علمج .. ويكون عذره عدم وجودج وبالمره بيقولج تمي في بيت اهلج مالج مكان عندي وانا بييج كل ويك اند!
حل ثاني … وهو بيكون تعب عليج … مثل ماقلتي تضربين خط يوميا من راس الخيمه لدبي … بالبدايه بتحسين بصعوبه .. ولانج بتاخذن ساعات طويله في الروحه والرده بتتعبين وايد ومن غير بعد بيلقاها عذر لان نص يومج انتي برع البيت وبتيين هلكانه وتبين ترتاحين … بس انا افضل انج تشترين راحتج وتحافظين على بيتج
ثالث حل الي ذكرته في بدايه كلامي … تطلبين منه يعيش وياج في دبي … اذا وافق كان بها ..اذا مارضى … فالحفاظ على بيتج اهم من الوظيفه !
والسموحه