المشاركة الأصلية كتبت بواسطة مجنونة_uae 
الظاهر مشغولين بتجهيزات العيد 
للاسف ما أعرف في راك لكن شفت لج هالروابط يمكن تفيدج :
مركز رأس الخيمة للمعارض
https://www.rakexpo.ae/calendar.php
اختاري التاريخ اللي بتتواجدين فيه وشوفي شو بيعرضون
وممكن تتمشين في المنار مول
https://www.manarmall.com/manar/
أفضل المطاعم بتلقينهم في الفنادق
ولا تنسين زيارة Ice Land waterpark
https://www.icelandwaterpark.com/
ولقيت لج هذا الرابط عن موضوع جديم ، وحده من العضوات تسأل بنات راك عن احسن المطاعم
https://forum.uaewomen.net/showthread.php?t=823232
وان شا الله تلقين الجواب الشافي 
يا غير ما رحت راك غير مرتين و بس
فالسموحة منج ،،،
هي كلها صغيرة ما تتقارن بمولات دبي بس خفيفه وجميلة
عندج المنار مول
راك مول ( قسم الالعاب جميل عندهم ) وفي كم مطعم وكافيه
الحمرا مول في مجموعه من الكافيهات وفيه سينما فوكس
السفير مول ( ما اعتقد انه يستحق الزيارة )
الكورنيش
ممكن تتمشون في الكورنيش فليل بيكون الجو معتدل وعندهم تأجير سياكل وسيارات للأطفال
تاخذون جولة بحرية في الكورنيش تبدأ من كورنيش المنار مول
في عدد من المطاعم على الكورنيش مثل ( مطعم السرايا ، مطعم بيستو ، مطعم هندي وايد حلو اكطله بس نسيت اسمه ، وكوستا وشاورمنجي )
عندج عدد من الفنادق اللي ممكن تزورينها وتستمتعين فيها
فندق الاسطورة
فندق ومنتجع هلتون اللي فمعيريض
فندق الكوف روتانا ( هالفندق مميز خليهم ياخذونكم جولة في ارجاء الفندق في سيارة القولف بتستمتعين بالمناظر )
بانيان تري الوادي
بانيان تري اللي على البحر ( توصليله بقارب ممكن تحجزين للعشا فيه المكان راقي ومميز )
ها اللي في بالي حاليا ان شالله اكون افدتج ^^